劉威煌做歌手搵唔到食要賣奶茶? 「紅唔紅都有關係!」

撰文:
最後更新日期:

仲「清玉」?OUT咗啦!最近銅鑼灣出現了不少人龍,無論夏日炎炎,還是暴雨連連,市民們都鍥而不捨的繼續排,半小時、一小時、甚至兩小時都照排可也,為的原來是一杯來自台灣的珍珠奶茶!其中一間新店的香港代理人,原來就是於2009年參加無綫節目《超級巨聲》的劉威煌,他說:「淨係做歌手我搵唔到食!」

近年劉威煌已經很少在幕前出現了。(Instagram)

其實劉威煌早在6,7年前已經開始創業,曾經經營過電話美容、逃脫遊戲、音樂室等多個範疇的生意,至近年更在葵涌廣場經營台式飲品店創下月賺80萬的紀錄。但以上的生意,劉威煌已經全數轉讓,因為他要專心一意生產現時這杯黑糖珍珠奶茶!劉威煌在大約年半前一次台灣旅遊,機緣巧合之下品嚐到這杯老字號黑糖奶茶,而且更一喝入魂即時戀上,加上有幸與該奶茶的老闆結緣,最終促成現時劉煌在香港的代理權,更在銅鑼灣芸芸珍奶店中殺出血路,顧客大排長龍,但威煌表示今天的成果確實得來不易:「之前我要留喺台灣學嘢,日日要喺一間40幾度嘅房入面學煮珍珠,日日係咁蒸都真係幾辛苦。」但眼下成績彪炳,威煌亦大感欣慰。

劉威煌一向都有做不同生意。

其實近年有不少圈中人都在飲食界闖出名堂,例如譚小環的魚蛋小食、前組合Bliss成員蕭潤邦的生煎包、谷祖琳的甜品店等等,他們的成績都非常不俗,甚至比起幕前的工作收入來得更高,威煌:「我淨係做歌手搵唔到食。(做生意的收入比做歌手高?)我覺得唔可以咁樣比較,兩個唔同職業,或者係因為我唔夠紅啫,紅唔紅都有關係。其實我一直都有唱歌,但我淨係做歌手唔夠搵食,如果我係陳奕迅咁當然可以淨係做音樂啦!但其實Eason都會去拍戲,都有好多其他工作。(而家收入雖然比做歌手好?)做生意好唔穩定,有可能會失敗,但做歌手唔同,唱幾多就真係賺幾多。」

 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。