【殺手】黎耀祥及陳豪兩大視帝聯手 但造型有天淵之別

撰文:
最後更新日期:

TVB 新劇《殺手》由兩大視帝擔任男主角,分別係黎耀祥及陳豪,故名思義二人當然係飾演殺手,祥仔親自介紹今次自己角色:「我係一個好Fit嘅殺手,不過係20年前,家道中落,所以有一個肚腩喺到。」其實今日(7日)公佈一眾演員造型,好多演員都相當突出,二人又點睇自己呢一身造型?陳豪表示:「就係要咁樣,女性要耀眼,令到大家眼前一亮,會令到我哋有睇佢哋興趣,而我哋就係核心,負責中和大家。」

TVB 新劇《殺手》邀請到兩大視帝擔任男主角,分別係黎耀祥及陳豪。(葉志明攝)

視帝雙雙出現,難免有鬥戲呢個情況出玩,祥仔笑言呢一點係必須嘅,陳豪指大家殺手嚟嘛,「自己幾鍾意呢一部劇,因為劇中會解構殺手係啲乜呢?唔只殺人,譬如有合約呀,邊個搵佢殺人,殺手同殺手之間又唔可以報仇,講好多殺手嘅事。」祥仔好認同陳豪講嘅說話,祥仔直言:「其實比較現實,大家都好人性,唔會再係以前嘅殺手,好浪漫化好假咁,我哋都要面對生活,大家都要搵食,現實要點掩飾。」

祥仔今次做殺手有一個特別造型,就係一個大肚腩。(葉志明攝)

二人近年轉移重心北上發展,香港劇集中甚少見二人出現,問到係咪香港劇集減產,一年拍一部?祥仔先回應:「其實唔係㗎,都冇特別去分,邊到有工作就做,咁香港我哋唔會離家,始終自己香港人,香港演員,我覺得戲喺地道文化好緊要,香港人拍香港戲俾大家睇,呢一樣始終離唔開。」陳豪指身為演員邊到有戲就會拍攝,所有事都係一種機會。

陳豪經常兩地走,講到辛苦太太照顧家中小飛。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。