【三日兩夜】陳婉衡突然激瘦十幾磅:個人問題搞到好大壓力

撰文:
最後更新日期:

無綫性感女神陳婉衡不時都會喺IG Post性感泳照為粉絲解解暑,未知係咪操得太勁,身形明顯消瘦唔少,令唔少粉絲擔心。陳婉衡接受《香港01》訪問時,透過電話表示自己的確瘦咗十幾磅。

原本身材已經好Fit的陳婉衡直認前陣子因為太忙而消瘦,佢稱:「因為前幾個月煩緊搬屋,同埋自己個人問題搞到好大壓力,不知不覺就瘦咗十幾磅。我都知咁樣唔健康,因為連肌肉、各樣都瘦晒,所以食返多啲蛋白質。」至於問到如何瘦到肋骨都現形但豐滿上圍不減,陳婉衡笑稱:「都有瘦少少嘅,因為始終都係脂肪,但自己盡量做啲重量同局部的訓練,針對特定部位塑型,咁其他地方結實咗,上面咪唔會細咗囉。」

陳婉衡亦透露自己將會在9月中夥拍小鮮肉伍富橋出發峇里島拍攝旅遊節目《3日2夜》,佢笑言:「伍富橋日日喺IG Post日日食雞胸肉,又狂操肌,搞到我好大壓力。佢咁大隻,我喺隔離都唔想太難睇,唔想同佢相差太大。」陳婉衡又稱將會參與由胡鴻鈞擔正的新劇《救妻同學會》:「早排試咗造型,今次嘅角色好多衫都要露腰,所以導演都有要求話希望見到馬甲線,所以無論運動同飲食方面都嚴咗。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。