【港姐2018】陳堯華自認參選有壓力:做瑜伽減壓個心好安靜

撰文:
最後更新日期:

周四(9號)二十位候選佳麗齊集杏花邨攀石場一展身手。陳堯華(Hera)被視為今屆大熱,但早前喺天后廟拜神求籤,求得下籤,其間見到Hera有啲疲態,笑容欠奉,心理上可能承受好大壓力?Hera表示:「你同我傾多啲偈,你就知我唔係唔開心㗎啦,暫時都冇壓力嘅,都仲有一段時間,咁盡量做返多啲運動囉,我琴晚去完澳門之後,都即刻返去做瑜伽。」
 

陳堯華連日出席活動,出現疲態(葉志明攝)

做咗成日嘢,咁攰仲做瑜伽會唔會好吃力?「我反而覺得喺嗰度我會好開心,嗰度好寧靜,因為做空中瑜伽,我會不停咁轉圈, 個心反而安靜啲,其實點都會有壓力,但依加唔會over囉。」其實Hera一時話冇,一時話有,希望瑜伽運動真喺可以幫到佢減壓啦。

2.Hera做空中瑜伽運動時,心靈好安靜(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。