55歲黃德斌求婚成功 婚事一切從簡：唔知佢有無匿埋喊！
撰文：秦志鴻
出版：更新：
現年55歲的黃德斌可謂雙喜臨門！除了最近他有份主演的電影《逆流大叔》叫好叫座之外，德斌又有好消息！就是承認向比他年少16歲的圈外女友Joyce Wong求婚成功，並正式入紙註冊！恭喜恭喜！
其實黃德斌與Joyce相戀十多年，在外人眼中早已與夫妻無異，德斌亦曾提過在事業有成後就會考慮結婚，他說：「其實都無乜特別，就算之前有人問我幾時結婚，我都同佢講隨時結得。」
最近《逆流大叔》叫好叫座，黃德斌的大叔形象深入民心，再加上結婚喜訊，可謂雙喜臨門！
問德斌的求婚過程？德斌笑言：「其實真係無乜特別，好簡單，（你送戒指的時候，女友是否很驚喜？）我唔知佢有無匿埋喊。我哋連戒指都係一齊買嘅。」
黃德斌話求婚過程無咩特別，不過戒指就係同女友一齊揀嘅！咁實啱女友心水啦！
德斌亦透露與Joyce的婚事將會一切從簡，不打算擺酒，會在香港簽紙並與家人食飯，雖然很多事都暫時未有定案，但他表示一定會尊重太太的意願。
約6年前Joyce與陳茵媺的合照（網上圖片）
Joyce之前同柏芝一齊行街街
至於講到造人計劃，德斌就直言暫未有考慮：「一定要諗清楚先，始終生小朋友責任重大，但暫時未有呢個計劃。」
雖然德斌平時非常低調，好少提到私人生活，但今次獲得咁多人嘅祝福，佢自己都覺得好開心呀！