【余德丞昏迷】好消息公布! 舊拍檔李雯希:脫離危險期

撰文:
最後更新日期:

余德丞與友人踢波後突然暈倒昏迷,送入醫院深切治療部留醫,令全城憂心忡忡。直到傍晚六時許,曾與余德丞合作主持兒童節目《Think Big 天地》的李雯希到達醫院了解情況後,為大家帶來好消息。

李雯希現身醫院探望好友〈林迅景攝〉

李雯希接受訪問時稱從余德丞家人以及經理人口中得知余德丞目前情況穩定,她表示:「Dickson屋企人同經理人都話佢依家情況穩定,個消息都係證實咗,咁我哋成班同事都安心。〈你自己本身見到佢未?〉我未嘅,佢哋都廢事畀朋友入去。〈知唔知Dickson爸爸有無嚟呀?〉咁我唔清楚,我見到佢媽咪。〈咁佢有無擘大眼?〉我哋成班朋友都唔入去,淨係問一問候佢屋企人。」

李雯希稱Dickson一向身體好好〈林迅景攝〉

李雯希又稱最近好少與余德丞見面:「我哋喺個手機聊天群組比較多,同一班同事。〈佢有無話佢身體有咩問題?〉佢經理人話佢最近的工作真係好繁忙,我哋都估到係咁。〈咁依家係咪清醒?〉穩定,清唔清醒就未知,知佢休息緊,everything OK,檢查咗。」她又代表余媽媽好堅強:「Auntie比我哋安心。〈Auntie心情點?〉佢話多謝大家關心,但幾開心見到Auntie好堅強,同埋大家心意佢都收到。」

Dickson媽媽多次出入醫院。〈林迅景攝〉



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。