【余德丞昏迷】醫院直播遭攻擊 林子博fb回應:做人要積口德!

撰文:
最後更新日期:

TVB藝人余德丞(Dickson)日前踢波期間昏迷,被送往瑪麗醫院深切治療部(ICU)接受治療,當時情況危殆,傳媒聞訊皆趕到醫院採訪,包括TVB的攝製隊,在病房外等新消息。TVB的主持林子博在Big Big Channel作現場直播,報道現場情況,因而引網民反感,留言鬧爆,「入ICU都照做節目」丶「為收視可以去到幾盡」、「唔好騷擾佢屋企人」及「探佢再加植入式廣告」,更有網民出言辱罵林子博,對其作出人身攻擊,言辭相當過火。

余德丞入院之後,TVB 派員到醫院採訪,娛樂台主持林子博因在現場直播而被網民鬧爆。(IG圖片)

對於網民的抨擊,林子博在facebook作出回應,他留言說:「你可以唔認同一間電視台,亦都可以唔關心一個你唔認識嘅藝人!但做人真係要積口德!」其實林子博只是被公司指派去進行直播,網民有權利評論TVB的做法,但出言不遜則是個人修養問題。而且睇返該直播片段,當時林子博只是站在一旁作現場報道,未有做過界的事或騷擾Dickson的家人及朋友。

林子博直播余德丞入院情況,被網民抨擊,當中有網友更人身攻擊,林子博在面書回應:「做人真係要積口德!」

林子博回應全文:「報道娛樂新聞係我嘅職責,包括直播娛樂新聞。你可以唔認同一間電視台,亦都可以唔關心一個你唔認識嘅藝人!但做人真係要積口德,因為病人仲喺病房搏鬥緊。大家一直都係單方面睇報道,以為余德丞處於危殆狀態!但最新消息,有親友喺深切治療部門外公布,Dickson已經脫離危險期,目前情況穩定!關心Dickson嘅朋友、同事及Fans唔需要太擔心!有宗教信仰嘅朋友,可以繼續為佢祈禱!祝願佢早日康復!」

林子博在FB留言叫大家積口德,及希望余德丞盡快康復。(FB截圖)

希望Dickson 早日醒來!!集氣!!(IG圖片)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。