【似足9成】鄧紫棋新MV再同千億新抱撞樣：咁多年後仲有人話似！
撰文：陳栢宇
出版：更新：
鄧紫棋（G.E.M.）為慶祝出道十周年計劃推出三張EP專輯答謝歌迷，而首支主打國語歌《倒數》今天正式面世。新歌曲詞由 G.E.M. 包辦，音樂大師 Lupo Groinig 操刀製作，MV 找來台灣鬼才導演 Birdy 執導，並遠赴內蒙古取景。
G.E.M.在MV中與台灣型男黃騰浩甜蜜談情，不但有荒原野餐、看星的場面，更有在蒙古包裏舉杯談心的戲碼，原來黃騰浩在鏡頭外也非常懂得施展冧功，G.E.M. 說：「我哋第一場戲其實係嘈交戲，第一次見對方就要鬧交，不過我哋對戲期間加入好多即興對白同動作，其中一場戲要拍我哋好開心，佢為咗氹我笑，自己設計咗個橋段喺凳上跌落嚟，我見到自然反應就係笑咗出嚟，我覺得我哋嘅火花係幾好睇。」
G.E.M.與台灣型男黃騰浩甚有火花。
內蒙多牛羊 離開時撞車
提到MV在內蒙古郊區拍攝，G.E.M.即笑指不時有牛羊做「配角」經過攝鏡：「第一次見到咁多牛牛羊羊喺我身邊經過，可以近距離接觸到啲動物，成個感覺好唔同，好靚。不過今次冇時間周圍觀光，喺內蒙古呢三日拍MV嘅旅程入面，見到好多好靚嘅大自然風景，算係寓工作於娛樂。」她又坦言離開內蒙古時航班因暴雨關係而取消，唯有選擇陸路出發，但因能見度太低而撞車：「雖然冇大礙，但係我原本喺座位到瞓緊覺，都突然被拋起咗，跌咗落座位與座位條巷仔度，都幾驚險。」
G.E.M.離開內蒙古時遇交通意外，幸而沒有大礙。
又同徐子淇撞樣：我覺得我「從一而終」
講到MV中G.E.M.的樣子有幾分似千億新抱徐子淇，在硬照花絮中兩者的相似度更高達90%，她受訪時即笑謂：「其實都幾開心網友最近鍾意我哋唔同嘅形象，包括《中國新說唱》，自己睇到呢啲Comments當然好開心。以前都有人話過我似徐子淇，但嗰時講緊係十年前啱啱出道時，我仲記得第一個話我似佢嘅人係Bob，嗰時我仲係中學生參加緊唱歌比賽，嗰陣15歲，咁多年後都仲有人話我似，我覺得我都似得『從一而終』呀。」
G.E.M.笑指自己十年前已經有人話她與徐子淇撞樣。
+2