【港姐2018】Honey發育得好因為唔諗減肥 均衡飲食最緊要蛋白質
撰文：黃欣華
出版：更新：
《2018香港小姐競選》19位候選佳麗今日（10日）首次以泳裝照亮相，當中14號何泳芍（Honey）的身材最為突出，搶盡風頭。問到本身係自由潛水教練的Honey對泳裝環節最有信心，她笑言：「其實我有另外幾個環節都好有信心，呢一Part都OK，因為工作方面我成日都會著泳衣，可能比起其他女仔就會無咁緊張，我覺得係一種優勢。」
對於被其他佳麗視為身材最正，Honey就笑言：「我覺得均衡飲食同要多啲蛋白質嘅嘢好重要。我覺得成長中的女仔要多啲食嘢，唔好諗住要減肥，因為會導致自己生唔高同發育唔好，所以呢一方面要好好注意。〈咁你發育得咁好係因為咩呢？〉我覺得係我有做開運動，所以會結實啲。我個人都好鍾意食豆類嘅嘢，不過唔知關唔關事。〈平時上圍會唔會好大負擔？〉又無喎，我無咁誇張，我身形都平均嘅。」除咗運動好之外，Honey亦透露自己份人好搞笑，所以對問答環節都幾有信心。至於Honey係咪真係口才咁好，大家就拭目以待！