岑日珈曾患躁鬱症暴肥至135磅 「感激媽咪每晚陪住我瞓」
撰文：吳子生
出版：更新：
岑日珈今日（10）現身金鐘《媽媽咪呀！開心再嚟》夏日電影派對。年前因躁鬱症，引致暴飲暴食，加上藥物副作用，體重爆升至135磅，一度停工，經過一年多時間休息，近日回勇，為新歌錄音及排舞。
岑日珈自言唔可以再畀自己病，因為好怕食藥再變肥。（葉志明攝）
回想起年前患有躁鬱症要長時間食藥，要屋企人擔心，日珈百般感慨：「當我有咗呢個病，真喺好多謝我媽咪，每晚都會陪住我瞓，如果瞓唔著佢會陪我傾偈，其實身邊有朋友患咗呢個病，真係需要有人去關心，唔係話一兩句表面嘅關心，係要好實在嘅關愛，自己分得出邊句係真誠說話，唔係求求其其咁講一兩句就得。」
岑日珈表示自己單身，好想搵個男朋友陪住做運動。（葉志明攝）
雖然將躁鬱症暫時打敗，但情緒病日後都有復發機會。岑日珈表示：「雖然已經停咗食藥，但都要keep住睇醫生，睇住個情況，因為會關乎每日生活環境變化以再次病發，所以自己要注意番。」