吳若希激罕公開囡囡正面樣 網民大讚可愛兼溫提唔好成日食奶嘴

撰文:
最後更新日期:

Jinny之前次次都會遮住囡囡個樣。

吳若希 (Jinny) 向來都好保護愛女淼淼,雖然經常於自己的IG上載同囡囡的親子靚相,不過就從來都唔會公開囡囡個樣,每次不是Post囡囡的側面相或背面相,就是加公仔去遮住囡囡個樣,總之就唔畀大家睇到囡囡咩樣。而Jinny上年就曾經因為被人Post了囡囡的正面相,令到她於facebook大鬧對方「屎忽生上腦」,還unfriend以及block了對方,可見她有幾咁保護囡囡。

一係就post囡囡背面相。

不過呢日Jinny竟然首度於ig公開了囡囡的正面相,可以睇到她囡囡成個樣的。拍照當日Jinny同她主持的無綫節目《森美旅行團》一班工作人員飯聚,仲帶同囡囡一齊出席,她留言表示:「可以和這班台前幕後合作,應該是我幾生修來的福,每次見面,都會笑到哭。」又落Hashtag幫該節目宣傳,但粉絲同網民的焦點都落在她囡囡身上,大讚淼淼可愛,亦有人溫馨提示Jinny唔好畀囡囡成日食奶嘴。

雖然係細粒啲,但都可以睇到Jinny囡囡個樣。

之前都只係post囡囡嘅側面。

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。