【余德丞昏迷】麥明詩反擊網民留言:覺得佢哋咁講真喺好涼薄!

撰文:
最後更新日期:

麥明詩馮盈盈兩位好姐妹孖住到鑼灣出席「GUNDAM DOCKS AT HONG KONGlll」活動。盈盈話當年說:「記得好多年前做高達Part time model時,就喺呢個場合第一次見到我依家嘅男朋友,並且喺嗰日我哋影低咗一張合照,成為我哋最有紀念價值嘅一張相,同時又喺我開展娛樂事業之路。」

馮盈盈做「高達」活動Part time model時,而認識依家個男朋友(葉志明攝)

余德丞早前在踢足球後,在場邊休息其間陷入昏迷,隨後送往瑪麗醫院深切治療部搶救,好在驚險過後傳來好消息,余媽媽表示仔仔已甦醒過來,令所有關心佢嘅朋友都放下心頭大石。麥明詩表示:「當時真喺好擔心,知道佢個陣時好嚴重,之前都有同佢做嘢,又做巴西奧運,收到佢醒返嘅消息,好戥佢同屋企人開心,都知道佢屋企人都好辛苦。」

麥明詩好開心余德丞醒番,希望早日康復(葉志明攝)

當Dickson仍然昏迷時,有網民留言話:「又話前香港泳隊嘅,點解咁弱嘅㗎!」麥明詩即時發炮留言者:「如果有隱疾好難事先check到,唔該慳番啲風涼話。」呢日麥明詩都有再次回應:「其實個晚心情唔喺咁好,咁亦都覺得佢哋咁講真喺好涼薄,有時香港人,好似當一啲公眾人物,好似佢哋講乜都得,又其當人遇到一啲困難時,更加冇同情心,我覺得有啲嘢我想講咪去講囉。」

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。