陳茵媺一拖三加國返港 陳豪完美示範點「錫」老婆

撰文:
最後更新日期:

陳茵媺(Amiee)上月趁暑假,一個人帶住三個仔女飛回加拿大娘家,11號晚回港,「愛妻號」陳豪親自到機場接機。晚上九時,Amiee一拖三現身,大仔Aiden坐喺小型行李箱上,二仔Nathan及細女Camilla則坐在BB車上。同老婆仔女無見面成個月,陳豪第一時間唔係睇小朋友,而係鍚咗老婆先,真係勁Sweet,之後陳豪再同三個仔女逐個親吻,場面溫馨。

陳茵媺一個人帶三個細路來回加拿大同香港,陳豪知老婆辛苦,第一時間鍚咗老婆先。(視覺中國)

陳豪鍚完老婆,再同三個小朋友親吻,好溫馨。(視覺中國)

陳豪為廣大老公作出一個好好的示範,老婆咁辛苦一個人帶住三個小朋友來回加拿大同香港,作為老公嘅,好應該第一時間畀老婆一個愛的Support:「老婆一個人湊三個細路咁辛苦,湊仔真係難搞呀。」陳豪為咗補償太太咁辛苦,所以計劃同Amiee嚟個二人旅行,咁會唔會趁機再造人呢?陳豪說:「依家已經夠晒熱鬧,我哋只係想二人世界咋﹗」

陳氏一家係圈中模範家庭。(視覺中國)

Amiee今次一拖三返加拿大,實在唔容易,真係一個Super Mum!聽到老公陳豪話佢哋唔喺香港時,覺得好空虛,Amiee笑說︰「我哋好掛住佢,佢都好掛住我哋,但因為工作所以佢唔可以同我哋一齊飛。(好似話仔女玩得好開心,沒咁掛住爸爸?)嗰邊好多屋企,日日都帶佢哋出街玩,佢哋日日都玩得好開心,但都成日話有掛住爸爸。」

陳豪話要安排一個二人旅行,慰勞太太咁辛苦湊仔,真係好識鍚老婆。(視覺中國)

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。