【鄭嘉穎陳凱琳結婚】精心挑選Marry Me系列婚戒勁甜蜜$63000有找

鄭嘉穎同陳凱琳今日下晝就會喺印尼峇里島舉行婚禮，正式成為合法夫妻。舉行婚禮的Bvlgari Resort Bali私隱度極高，坐落於海拔150米高嘅懸崖擁有無敵大海景，楊冪及林心如都喺呢個Resort出嫁。鄭嘉穎同陳凱琳己公開嘅婚照中，見到Grace同嘉穎時而於海邊翩翩起舞，時而親吻鼻尖，既甜蜜又溫馨。婚禮細節亦陸續曝光，佢哋揀選嘅婚戒相當高雅簡潔，對戒指加起來不過$62,000蚊，來自品牌Marry Me系列，好Sweet呀﹗

陳凱琳與鄭嘉穎嘅結婚對戒來自BVLGARI MARRY ME系列，設計精巧嘅鉑金鑲座建築風格，線條鮮明有力。中央圓形明亮式切割鑽石，從每一個角度看都鑽光閃爍，豔光撩人。耀目、自信，充滿魅力，正是陳凱琳與鄭嘉穎個人風格。MARRY ME的結婚戒指，高雅簡潔，每一分每一寸都像它所宣示的感情一樣：超凡脫俗。

婚禮上陳凱琳選配BVLGARI 設計瑰麗的DIVAS’DREAM珠寶系列，浪漫純淨的鑽飾，配以洋溢喜悅嘅紅寶石，襯托著上設計師Noel Chu精心製作婚紗嘅Grace，真係靚爆鏡呀。當晚新娘子更選定BVLGARI  Omnia Pink Sapphire粉晶女士淡香水作為當晚饋贈賓客的心意禮物，靈感源于珍貴的粉紅寶石，閃耀獨特，仿似千載難逢嘅真愛，彌足珍貴。