【大星講】袁詠儀為新戲狂瘦身：我用咗兩星期減15磅
撰文：吳子生
出版：更新：
ViuTv新節目《大星講》主持陳海琪、陶傑，周一（13日）邀請嘉賓袁詠儀（靚靚）到節目中深情對話，大會特別安排生日蛋糕，為星期五（17日）生日的陶傑慶祝。
對於靚靚看來消瘦了不少，她表示。「近10月我會拍一部電影，因為角色導演要求我瘦啲、我用咗兩個星期時間，減咗成15磅，公司幫我安排健康餐單，但後期又要我肥番，本身我要求導演拍咗我肥先，導演就話想好好咁順住拍，咁我就去減啦，又好在好似減到喎，咁導演話你前面瘦後面就唔使肥咁多，但如果你好似之前咁肥，你就要再肥好多，諗一諗，計一計條數，雖然嫁咗人生埋仔啫，都要keep嘅。」
有時候作為一個專業演員，為咗角色要求可以去到幾盡，減得咁辛苦，後期又要增肥，會唔會好可惜？「我喺一個實力派演員，我冇呢啲包袱，但拍完希望有個動力再減囉，咁樣可以即刻買好多衫著呀。」
張智霖起初唔信靚靚減到磅，見到有成效即約健身教練。（陳順禎攝）
主持陳海琪、陶傑，同嘉賓袁詠儀（靚靚）特別安排生日蛋糕陶傑慶祝生日。（陳順禎攝）