【後生仔傾吓偈】20佳麗分享感情狀況 竟然一半以上都冇拖拍
撰文：鄺鈺瑩
出版：更新：
4號鄧美欣一提到初戀男友時十分冧，更透露二人拍拖三年多。
最新一集《後生仔傾吓偈》搵嚟20位港姐佳麗做嘉賓，面對呢批後浪，麥明詩同馮盈盈都忍唔住自認係「old seafood」。難得咁齊人，仲要喺《後生仔傾吓偈》，點都唔會係講扮靚、選美心得，今集以「戀愛經歷」為題，一開始，麥明詩同馮盈盈就吩咐各人寫下目前嘅戀愛狀況：available同occupied。
11號李明芙今年23歲，因家屋企管得幾嚴所以至今未拍過拖。
結果喺20位佳麗當中，有一半人都表示係available，而6號嘅杜愛恩同11號嘅李明芙更係處於A0狀態，即係完全未拍過拖呀。6號杜愛恩表示身邊不乏追求者，但自己個心就唔喺太過著緊。「但如果有嘅大家都可以安排吓。」即係都想拍拖啦……至於11號嘅李明芙，佢就解釋「媽咪話18歲前唔可以自己出街，之後又以學業為重，而家就事業為重，屋企人都預咗我做老姑婆架啦……」由鍾嘉欣、李亞男、岑麗香、王君馨同苟芸慧成立嘅處女黨 (Amazing Esthers)睇嚟已經搵到接班人啦！
14號Honey Ho感情狀況係TVB3，即係available定occupied呢？佢就無多講，不過就話自己對上一次分手原因係因為對方偷食。
12號童銘欣為保護男友，所以將ig上的合照通通消失。