64歲謝雪心KEEP FIT有道：拍時裝劇唔能夠多一分肉
撰文：吳子生
出版：更新：
謝雪心化身愛心大使，出席「博愛月全港慈善籌款2018」活動，呼籲善長踴躍捐輸。心姐表示：「自己幫博愛醫院，做「愛心大使」已經有近10年，歷年嚟博愛醫院有好多範疇去幫人，有醫院、老人院，更有不同種類機構，我只喺出少少綿力做。」
謝雪心為新劇作準備，保持苗條身形（梁碧玲攝）
心姐於無綫劇集《宮心計2之深宮計》飾演章瓊香一角，演技出眾讓觀眾留下深刻印象，唔知幾時可以再見到心姐演出嘅作品呢？「啱啱拍完《包青天再起風雲》，不過未有咁快有得睇，之後又有兩套時裝戲，所以大家都話我Fit咗，時裝戲我唔可能多一分肉，因為冇得遮掩。」
謝雪心忙打理自己健康品牌王國（梁碧玲攝）
除咗拍劇心姐都忙於打理健康品牌，佢由代言人「升呢」做董事，公司大小事務都要親力親為：「因為公司有好多產品，所以要熟習一吓，自己都會食公司嘅健康產品，又飲酵素保持健康。」