羅仲謙三個月瘦10磅操40吋胸：三餐都係白烚
撰文：鄺鈺瑩
出版：更新：
羅仲謙難得操到身形咁靚，點都要自拍吓。
羅仲謙早前為拍攝陳德森執導的新戲《征途》，於無錫留守三個多月，幸好老婆楊怡十分貼心飛去探班。「因為返唔到香港，所以拍攝初期阿怡有飛嚟探班，我哋仲去咗太湖、古鎮散步、飲嘢，聽落好悶，但我已經好開心好滿足。」羅仲謙透露就算太太身在香港時，二人每日都會以FaceTime聊天，所以並未有因而感到寂莫。」
一日去兩轉健身室……
在內地沒有老婆的日子，羅仲謙唯一消遣就是健身，令身形本已十分標準的他，經過三個多月的地獄式操練，胸肌已達40吋！他說：「因為導演想要有超fit身形，所以拍攝前已經開始戒口，再配合埋運動，去到無錫之後，每日都會做一個半小時強度訓練，同跑十公里 ，但都值得嘅， 因為身形前所未有咁弗。」飲食方面，他透露三餐都係白烚菜同肉，完全唔加鹽同油，主食以番薯為主，加上戒糖分飲品，難怪幾個月就瘦近十多磅。
羅仲謙表示老婆去探班時都有陪佢一齊健身，好健康。
提到拍攝時最辛苦的部分，羅仲謙首選是每日在高溫40度下，穿上皮製的戲服拍攝大量的動作戲以及吊威也。「我件戲服係皮質地，密不透風再加上黑色超吸熱，每日都好似喺火爐上開工咁，試過有幾場要騎馬，以為會涼啲，結果啲風吹埋嚟係熱嘅，三個幾月咁乾煎無中暑都真係好好彩。」羅仲謙過往雖然拍過不同類型的作品，但就從未試過騎馬，故他早在開拍前兩個月接受訓練，幸好出來效果滿意。「以前拍《盛作舞步愛作戰》時都有上過馬，但都係做做樣，今次真係要騎住跑，為安全起見，導演有安排替身嘅，但我都盡量親自上陣，都易架，又要顧住隻馬又要交戲，開頭有少少緊張，但好快就搵到個感覺，老婆都叮囑我要小心啲。」