陳凱琳以鄭太身份分享新婚喜悅 婚禮LOGO原來別有浪漫意義
撰文：洪曉璇
出版：更新：
鄭嘉穎陳凱琳已經正式成為合法夫妻。
+5
婚禮雖然只係得一日，但婚後仲有好多後續嘅事要做架。鄭嘉穎同陳凱琳嘅峇里夢幻婚禮圓滿落幕，鄭生鄭太就留咗喺當地HONEYMOON。升格做人妻後Grace做好賢內助本份，上載婚禮靚相多謝各方好友幫忙，簡單一句「Starting a new chapter in my life as Mrs. Cheng」已經感受到新婚幾咁甜蜜。呢日仲公開佢地婚禮logo，原來相當有意思。
Grace上載同嘉穎擁吻嘅合照，留言一一感謝籌備婚禮路上嘅vendor。（陳凱琳IG）
Grace婚後先上載三張靚相，除咗已曝光嘅婚照，以及行禮後嘅相片，仲有一張應該係after party上拍攝。相片中嘉穎同Grace於台上共舞並情深一吻，配以滿佈小燈泡嘅佈置，場地溫馨，在場賓客都深深感受到鄭生鄭太嘅幸福。據知佢地度蜜月時間唔係太長，17號Grace就會喺香港出席活動，相信到時鄭太會親口分享新婚喜悅。
婚禮後鄭生鄭太留喺當地度蜜月，不忘分享佢地嘅嫁喜禮餅及專誠設計嘅LOGO。
佢地雖然行西式婚禮，但中式禮儀一樣有做到足。
鄭生鄭太雖然揀咗去峇里攪西式婚禮，但中式禮儀一樣有做到足。佢地訂製餅咭及嫁喜禮餅禮盒，仲特別印製代表佢地嘅「KG」雙喜標誌。呢個個360度全方位「KG」愛的標誌，化身為「囍」字中的四個口，代表著Kevin遇上Grace、兩顆心心相印、二人組織成家及攜手展開新一頁。此外，禮餅盒印上「愛，讓我們攜手走一輩子。感謝祝福！」語句及二人親筆簽名，盡表愛意及心思。簡單的設計流露出一對新人喜氣洋溢的幸福，並向在香港的親朋好友一起分享新婚的喜悅。
佢地嘅嫁喜禮餅上貼上囍字貼紙，睇真啲原來係另有玄機，詳情繼續睇落去。