【刑事偵緝檔案】陳錦鴻控訴世界唔公平金句 《創世紀》Loop多次

撰文:
最後更新日期:

無綫深宵時段重播的《刑事偵緝檔案IV》,眨下眼又進入結局篇,不過劇情講到陳錦鴻同李珊珊開開心心結婚,誰知命運180度逆轉,李珊珊被有妄想症的邵美琪(妹妹角色江子瑤)誤殺,死者是未婚妻,兇手是胞姊,令陳錦鴻痛苦到爆Seed「呢個世界仲有冇公道?」,睇到不少劇迷眼濕濕。咪住,為何這句對白咁熟口面,在《創世紀》中陳錦江經典金句「呢個世界公平咩?」,兩齣劇是同一年播出,估不到無綫咁環保,對白可以循環再用,貫徹是是旦旦精神。

《刑偵IV》陳錦鴻未婚妻李珊珊被殺,傷心欲絕的他,爆seed控訴世界唔公平。(網上截圖)

《創世紀》中陳錦鴻飾演的許文彪,也講過世界唔公平的經典金句,無綫將劇集對白循環再用。(網上截圖)

相關文章:

【刑事偵緝檔案IV】10大逆齡美女 排頭3位女角仲靚過廿年前​

【刑事偵緝檔案】戴志偉批無綫經營者無遠見:當年拍劇好有凝聚力

【刑事偵緝檔案】莫家堯過檔無綫追夢失敗 淡出幕前打理家族生意

【刑事偵緝檔案】邵美琪兩段姊弟戀受盡情傷 2005年纖體相最經典

【刑事偵緝檔案】徐濠縈息影變潮流教主 全因老公Eason一句話?

《刑偵IV》近日劇情講到陳錦鴻終於解決了三角關係,和李珊珊有情人終成眷屬,但在大婚當中,李珊珊卻被邵美琪誤殺,紅事變白事,最慘是李珊珊連結婚戒指都未戴到,真係死不瞑目。之後陳錦鴻當然傷心到想死,更孖住古天樂到海邊講心事,仲講了一段好長的對白。

他好無奈咁話「由細到大,學校嘅先生,身邊嘅人都同我講,呢個世界係公道,係公平,如果你做壞事就會有報應,所以我做人好小心,好守規矩,唔敢做壞事,一啲行差踏錯都唔夠膽,但我得到啲乜嘢?我無害過任何一個人,無做過任何一件壞事,但係點解我有呢個報應,點解死嗰個係唐心?點解殺佢嗰個係我家姐?如果係一個賊,我仲可以想盡辦法,就算拼咗我條命都會將佢繩之於法,但係嗰個係我家姐,我可以做啲乜嘢?我只係唔明,呢個世界仲有冇公道?點解偏偏要係唐心,偏偏要係我。我依家真係唔明,究竟做人嘅意義係乜?一個寶貴嘅生命,意義又係邊?」不少劇迷都戥他難過,睇劇睇到眼濕濕,但又覺得這段對白熟口熟面。

+5
+4
+3

陳錦鴻控訴世界唔公平的經典對白,其實在同年10月播出的《創世紀》也出現過近似對白,當時劇中黑化了的陳錦鴻,就對住羅嘉良話「我唔係無試過,我試過安份守己,日搏夜搏,賺果一萬幾千,我試過,但係出面果班人,出面果班人呀,佢哋識建築識起樓咩?佢只係攞少少錢出嚟,攞少少時間,炒起個樓市就不停喺度賺大錢,咁叫公平咩!你出去問下人,是但問一個人,問下佢哋想要啲乜嘢!佢哋答案好簡單,只係想要一間好普通好普通嘅樓!點解佢哋要用成世人嘅時間去供一層樓呀?因為啲有錢佬係度玩嘢呀!越有錢就越有得玩呀!呢個世界公平咩?呢個世界公平咩!」本地樓價瘋狂,根本不是普通人負擔得起,而《創世紀》的金句道出了不少港人心聲,想不到早在《刑偵IV》已有意思近似的對白,無綫將對白循環再用,唔知算係環保,定係慳水慳力呢。

相關文章:

【刑事偵緝檔案】陳少霞曾獲劉華力捧 走出天水圍公屋嫁8億富豪​

【刑事偵緝檔案】郭耀明滄桑型男完勝一線小生 可惜已轉行做保險

【刑事偵緝檔案】46歲吳美珩外貌廿年不變 丈夫40億身家樂做闊太

【刑事偵緝檔案】古天樂唔肯接受宣萱 原來忘不了失蹤女友



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。