【美食展2018】筱靖進軍飲食畀曾損失過百萬：飲食業界多老千
撰文：吳子生
出版：更新：
.筱靖用咗三年時間，將公司營業額轉虧為盈（梁碧玲攝）
筱靖今日（16）現身灣仔《美食博覽2018》會場，為自己食品展銷攤檔造勢。「今年喺我哋第三年擺「美食展」，我公司喺德國餐廳，主打德國豬手，又有特色飲品，大家奮鬥咗兩三年，今日好多謝啲朋友仗義幫忙，其實平時嘅我都會落手做，每一個工序我都識做，今日銷售好理想，都有五位數字進帳。」
筱靖生意漸上軌道，德國餐廳由一間變三間（梁碧玲攝）
2007年參選亞姐入行，早前進軍飲食業遇人不淑，損失過百萬。「可以咁講，飲食業真喺好多老千，依家好多人同我講娛樂圈好複雜，好似一個大染缸咁，其實娛樂圈唔複雜，反而飲食業先複雜，如果亂咁掂真係會損手爛腳，我依家有三間公司，已經上晒軌道，越做越好，因為我凡事都要親力親為，每樣野都會跟到足。」