關智斌新居入伙洗手盆不堪一擊 阿Sa笑貪平：搵咁多慳埋呢d錢
撰文：冼燕珊
出版：更新：
近年轉戰內地的關智斌(Kenny)賺了不少人仔，頻頻買磚頭投資，有傳他在香港至少有兩層樓，於北京、橫店，甚至加拿大都有物業。Kenny新居近日裝完修，本來開心入伙，但發生了一段小插曲，就是在他刷牙期間，不小心整穿洗手間那個如豆腐渣一樣的洗手盆，令他非常無奈。
Kenny新居入伙，點知廁所洗手盆不堪一擊，搞到面都洗唔到。（IG圖片）
Kenny 在IG留言分享「不幸事件」：「今日興致勃勃返香港，終於進駐苦等了半年的新居！首先來一個洗手間開光儀式，在新居來個處男洗澡，然後就自然地打算刷牙，一不小心手滑把漱口杯跌入洗手盆中，然後...然後...#佢穿咗 #佢穿咗呀！！！ #話俾我知唔係真嘅，BTW個漱口杯完全沒有受損。」
好在Kenny 無整親，此圖乃拍劇造型。(IG圖片)
Kenny咁慘慘豬，屋企突爛洗手盆，但一眾好友不但沒有安慰，還落井下石，阿Sa（蔡卓妍）留言說：「你係咪又貪平呀？哈哈哈。」胡定欣就話﹕「搵咁多，慳埋呢d錢。」關智斌不甘示弱，為自己平反﹕「跟機(樓)包埋架，我咁精打細算，平得嚟都一定會好囉。」
見好友有家居意外，落井下石是常識吧。(IG截圖)
定欣都笑埋一份。(IG截圖)
幸好Kenny個洗手盆今日已經已極速修復，他在IG表示，屋苑管理員透過他IG發現事件，凌晨致電Kenny查詢有否受傷，今早再用「迅雷不及掩耳」的速度更換。他在IG留言更新「洗手盆的狀況」：「多謝大家對我洗手盆的關心（其實係恥笑）⋯的保安哥哥有關注我IG⋯昨晚凌晨已經首先致電給我問我有沒有受傷，然後今早以迅雷不及掩耳的速度替我更換一個全新的！而且還給我全屋重新再仔細檢查一遍，然後⋯他説客廁洗手盆都替我換掉，這個售後服務令我很想給多一點管理費（講吓笑啫）。」
屋苑管理處見到Kenny個IG Post，即刻幫佢換個新洗手盆。(IG圖片)
Kenny更自爆連熱水爐開關也不知喺邊，所以要被迫沖凍水涼，不知保安是不放心還是過份體貼，教埋佢點用家庭電器，包括熱水爐、洗衣機、洗碗碟機，仲有雪櫃（！！），Kenny留言說﹕「七夕感受到保安哥哥的愛。」
Kenny 連新居個熱水爐開關都唔知喺邊...
+5