【港姐2018】鞏姿希超低胸表演拉丁舞震憾全場：我平時好少性感
撰文：林迅景
出版：更新：
《香港小姐2018競選》進入倒數階段，8月26日進行決賽，今日在商場內就率先舉行才藝表演預熱賽，最後由5號鞏姿希（Krystl）贏得「現場觀眾至Like表演」。
鞏姿希（Krystl）跳起拉丁舞真係好吸引，連阿Moon都讚好睇又有自信。（黃國立攝）
是日鞏姿希（Krystl）身穿一身比堅尼式上身的拉丁舞裙，一出場就已經吸引了現場觀眾目光，隨著音樂響起，鞏姿希跳著拉丁舞「Chacha」，現場閃光燈更閃過不停。鞏姿希接受《香港01》訪問時說，自己對於今日比賽毫不緊張。「我平時都好少性感，但係拉丁舞啲衫係咁，所以就覺得應該係咁樣。雖然拉丁舞衫係性感，所以啲衫保護措施係好好，好多個扣，扣得好緊，所以完全冇擔心呢樣嘢（走光）。同埋細個比賽啲都係咁，唔係第一次着，所以就好習慣。」鞏姿希表示拉丁舞表演適合2個人跳，小時候有看過TVB的藝員跳舞比賽，更謂想謝天華當比賽的舞伴。
鞏姿希（Krystl）自言細細個就開始跳拉丁舞，所以跳得好自在。（黃國立攝）
鞏姿希表示，今日表演的拉丁舞總計只排了6小時。「我本身細細個，大約6歲，小學1，2年級就跳拉丁舞，中學去英國讀書之前都有跳拉丁舞同出國比賽，都學咗13年左右。因為都有好多年冇跳過，17，18歲之後就冇跳，所以再pick-up返就要啲時間。但係因為我本身好鍾意跳舞，尤其是拉丁舞，所以一跳返，我就搵到個種感覺。」說起拉丁舞，其實鞏姿希曾出國到泰國參加業餘拉丁舞比賽，更獲得第二名，真係好犀利㗎。
+2