【港姐2018】佳麗15秒才藝表演嚇死人 網民：我究竟睇咗咩嘢？
撰文：賴家杰
出版：更新：
港姐決賽本週日（２６日）舉行，時間無多，無綫當然要力谷佳麗人氣，雖然今年製作費「縮皮」，不過無綫懂得善用社交網絡，昨日（１９日）上載了１６位佳麗的１５秒才藝表演，究竟得１５秒可以表演到什麼才藝呢？的確好考佳麗功力，結果.......？有佳麗竟然表演急口令，扮鬼臉、甚至擺pose，果然，無綫這一下奇招殺到網民措手不及，大家非常受落，好多留言，大部份網民意想不到佳麗會變演這些才藝，其實網上最重要是有noise，無論正評、負評都係好事，最重要是有人收看。
其中三位最突出嘅候選佳麗。第一個係14號佳麗何泳芍，她的才藝表演是「扮鬼臉」，佢同樣與8號佳麗陳靜堯表演一樣「扮鬼臉」，唔同嘅地方係佢做到鬥雞眼，其實睇完都係會覺得可愛嘅，不過呢項唔知算唔算才藝表演呢？
14號佳麗何泳芍表演「扮鬼臉」（網上截圖）
第二位介紹係12號佳麗童鉻欣，佢表現係為人熟知嘅舞Floss Dance，如果大家唔知乜係Floss Dance可以上Youtube Search。網民睇完佢表演係覺得佢究竟做緊乜呢？
12號佳麗童鉻欣，佢表演Floss Dance。（網上截圖）
最後介紹係９號佳麗工藤佑采 ，估計佢表現緊擺pose，而且相當有自信，不過網民就需要點時間去消化，但最精彩相信是１號蘭倚婷，以不純正廣東話講急口令，一個字精彩，請即睇片
9號候佳麗工藤佑采，佢表演跳舞，幾有自信。（網上截圖）