48歲鍾麗緹嘆接受試管嬰兒過程辛酸：起伏心情只有經歷過才明白
撰文：洪曉璇
出版：更新：
鍾麗緹昔日係公認嘅性感女神，但最近發福至令人嘩然。（視覺中國）
+3
想當年無大眼仔無修圖apps，娛樂圈嘅女神每個都有獨一無二，鍾麗緹自出道起已經係大眾心目中嘅性感女神，火辣身材爽朗性格令人難以抗拒。不過近期有傳媒發現Christy開始發福，又有網民話見到佢出入婦科疑似懷孕。呢日Christy於微博寫下長文解答大家疑問：「可能因為藥物影響了荷爾蒙或者內分泌的問題，身體會有一些變化……」
鍾麗緹寫下近800字分享呢半年嘅備孕心情。（鍾麗緹微博）
鍾麗緹寫下近800字分享呢半年嘅備孕心情。（鍾麗緹微博）
2016年11月鍾麗緹下嫁年輕12歲嘅張倫碩，呢段姐弟戀一開始不被看好，但婚後佢地相當甜蜜，張倫碩對Christy三個囡囡視如己出。現年48歲嘅Christy雖已屬高齡產婦，但原來一直希望為老公再生一個小朋友：「一直以來，我和我的丈夫都想有一個屬於我們兩個的健康的寶寶，無論性別是男是女，我相信都是老天爺賜給我的禮物，我感恩，我盼望，所以我一直努力保持良好的心態，配合醫生調理身體，做試管嬰兒，對於我身體條件來說，不得不承認，並沒有想像的那麼容易。」
婚後張倫碩對囡囡視如己出，但Christy心中都希望為老公再生一個小朋友。（張倫碩微博）
+1
高齡產婦生BB從來唔係一件容易嘅事，所謂人工受孕過程相當辛苦，需要每日喺肚皮打針促進排卵。除咗痛同需要相當財力支持，更痛苦嘅係懷孕率低不停要面對失望。超過四十歲懷孕能力已急劇下降，生育率每個月只有5%，就算經由試管受精其懷孕率每次亦只有10%，而Christy今年已經48歲，佢都坦言自己努力樂觀面對一切：「我其實已經備孕半年了，可能因為藥物影響了荷爾蒙或者內分泌的問題，身體會有一些變化。其實，嘗試做了試管嬰兒以後我更加瞭解做母親的艱辛與不易，通過試管的方式想當媽媽的過程是對於一個人從身體和精神的最大的考驗，那種起伏的心情可能只有經歷過的人才明白。」
為咗幫老公生一個小朋友，鍾麗緹可算係不惜一切。（鍾麗緹微博）