許廷鏗另類情歌《停半鐘聽一闋歌》 邀熱狗巴士復出拍MV

撰文:
最後更新日期:

呢架熱狗巴士絕對唔少香港市民嘅回憶。

已經落實明年將在紅館舉行個唱嘅許廷鏗(Alfred),最近又推出新歌《停半鐘聽一闋歌》,作品找來Rubber band主音6號填詞,歌詞中出現了不少廣東歌回憶,如「愛在深秋」、「給你多些再多些」,係一首較為另類的情歌。Alfred表示在成長的過程中,經歷由卡式帶、CD、MD到數碼化嘅轉變,雖然聽歌習慣令大家對待音樂態度有所不同,但不變的是,它總會不經意地為大家盛載著一絲一點的回憶,就有如某啲歌前奏一響起,總係會勾起一些情緒。

許廷鏗自己都好開心可以搵到「熱狗」做MV主角。

為加重《停半鐘聽一闋歌》述說的情懷,Alfred提議找來懷舊巴士客串一角,雖然呢位嘉賓早在2012年已經退役,但九巴都好樂意借出,令Alfred有機會「懷緬過去」,並在mv中加上Walkman,Discman等道具。「呢首歌係我最用心唱嘅一次,亦都係我好耐都無試過咁喜歡一首歌。曾經都有一段時間完全無聽廣東歌,但當再去接觸時,我發現廣東歌嘅獨特係其他語言無可替代。有些事情會隨時間慢慢蒸發,如果廣東歌都有呢一日,我想在她真正消失前送一首歌給她,感謝佢帶比我所有回憶。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。