【港姐2018】余詠珊否認與曾志偉不和 港姐司儀陣容有新鮮感

撰文:
最後更新日期:

《2018香港小姐競選》20位候選佳麗今日(二十一日)再次以泳裝亮相,雖然泳衣款式較上次保守,但《2018香港小姐競選》統籌經理余詠珊就大讚今屆佳麗質素非常好,她稱:「我覺得OK喎,今年好平均,我哋以往淨係做到12位女仔入圍,今年我哋夠膽做到20位,因為我哋覺得好多都得,頭12名你都好難揀。」

【港姐2018】港姐賽制再加入全民投票 何小慧:今次好玩喇

【港姐2018】佳麗15秒才藝表演嚇死人 網民:我究竟睇咗咩嘢?

 

全新司儀陣容望給觀眾新鮮感

至於今年總決賽大會司儀繼續會由《Do姐去Shopping》的鄭裕玲、陸永和C君外,加入《兄弟大茶飯》的蕭正楠、曹永廉再伙拍《#後生仔傾吓偈》的陸浩明、麥明詩、馮盈盈聯同麥美恩擔任,對於司儀組合,余詠珊就稱希望帶畀觀眾新鮮感:「因為今次做2個半鐘,我哋曾經想做3個鐘,想個節目有好多有趣啲元素,想在以往環節再加得意嘅元素,好似阿蕭同曹永廉佢哋問嘅問題會完全唔同,好係佢哋個人嘅問題,農夫又係啦。另外,再用返兩個香港小姐問返香港小姐問題。」

封殺令?余詠珊否認與曾志偉鬧不和

至於今年再次未有找來曾志偉做港姐司儀,余詠珊稱不怕節目因此而失色:「我覺得志偉會明白,其實佢對我哋嚟講係個寶,TVB個寶。問題係我哋想多啲細路哥參與香港小姐的司儀,想試下後生啲的司儀做多啲呢種舞台,可以有多啲經驗,如果唔係會好難訓練,好少大型節目。〈你同志偉哥有無溝通過?〉有呀,完咗個騷我哋會再約佢坐低傾一次。〈無不和?〉無。」

〈陳順禎攝〉

選美賽制由觀眾100%決定賽果

對於今次選美賽制,余詠珊就稱決賽當晚第一回合會公布20位佳麗在觀眾投票的排名和進行才藝表演,由首席星級評判陳百祥聯同三十位藝員組成星級評判團和觀眾各佔50%投票淘汰8位佳麗,宣佈12名佳麗後就會進入決賽。再由現場星級評判團選出最後三強佳麗,最後由觀眾100%決定賽果。對於以往互聯網頻頻出現問題,余詠珊稱今年的系統相當完整,而且會留下網民所選擇的名次:「1至20名的佳麗,網民已經一早選擇好他們心目中的冠、亞、季軍,如果結果與評判選的三強有所出入,我們會先參考網民的投票。如果系統真的出現問題,我們會繼續以開頭觀眾投票的排名當作網民分數,如果系統順利,會再加入最後7分鐘的分數。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。