卓韻芝婚禮細節顯心思 墨綠燙金喜帖超有氣質

撰文:
最後更新日期:

9月15號阿芝就會下嫁從事電影美術工作嘅梁子賢。(卓韻芝IG)

女孩子出嫁當天就如夢想成真一樣,希望自己有個完美嘅婚禮,唔少準新娘會投放無限心機,希望婚禮每樣事物都係獨一無二,卓韻芝都唔例外。9月15號阿芝就會下嫁從事電影美術工作嘅梁子賢,連日來準新娘於IG分享各項細節,除咗別樹一格嘅綠色喜帖,原來連結婚戒指阿芝都係親手打造﹗

下半世日日戴住嘅婚戒,阿芝決定親手打造。(卓韻芝IG)

婚戒半製成品,仲要電鋸同打磨。(卓韻芝IG)

禮物心意比價錢更重要,下半世日日要戴嘅婚戒,阿芝拒絕揀選市面上大路品牌款式,決定自己戒子自己造﹗佢上載多張相片及短片,見到阿芝相當留神親手打金:「結婚介子親手造;同一條白金出兩杖指環,特有意義﹗原來過程不簡單,將紋理鎚打出來,不過重要關頭要請師傅出馬,之後還要電鋸美人。未打磨所以像銅,成品暫時賣個關子。」

早前阿芝嘅喜帖終於曝光。(卓韻芝IG)

墨綠色喜帖配上燙金字,相當大氣。(卓韻芝IG)

兩公婆日夜戴嘅婚戒要親手造,派到每位來賓手上嘅喜帖,阿芝都落足心機設計。捨棄大路嘅紅紫喜慶顏色,亦拒絕近年大熱嘅西式水彩風格,阿芝揀選墨綠色作為喜帖主色調,厚身卡紙印上燙金字體,相當大氣。帖封用上代表新人名字嘅「CHI &YIN」火漆蠟封章,而帖內阿芝仲加上小心思:「內有送給各位的詩,那詩我一直改,往來了很多次,勞煩了,慢用。」難怪俞琤許鞍華等收到喜帖時都愛不惜手啦。

成表誠意,阿芝親手將喜帖送到俞琤及許鞍華手上。(卓韻芝IG)

許鞍華送上龍鳳金耳環相當精緻,阿芝都話婚禮當日一定會戴。(卓韻芝IG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。