高層鄭善強為《TVB周刊》停刊傳聞解畫：要配合社會改變去檢討
撰文：張嘉敏
出版：更新：
電視廣播 (0511) 今日公布中期業績，半年純利為2.01億元，內容亦有提到已經出版了21的《TVB周刊》印刷本或將由網上版取代，但就未有實際停刊的日期。身為電視廣播有限公司總經理的鄭善強，今日出席TVB明珠台新節目發布會時，就為有關《TVB周刊》的印刷版將要停刊的說法解畫。
鄭善強表示：「件事嘅起因係公布中期業績時，提到公司轉型會作出多方面嘅改善同檢討，其中一項係紙媒應否數碼化，另一個係廠景已經愈來愈少，變多咗外景，仲有一項就係mytvsuper嘅運作模式，依家觀察鍾意點播式去睇節目。公司係要配合社會需要同改變去檢討，但就未有落實話要停刊，亦都無實際時間表。(有傳話TVB8將會喺8月底9月頭停播？) 呢項都係檢討範圍內，公司正不斷求變，希望迎合到市場需要。」
他又否認TVB蝕了好多錢：「唔係蝕，公司上半年賺兩億。」至於有指今年連台慶都將會取消，由Big Big shop大賣會取代，他即否認說：「一定唔會，台慶呢樣就唔需要檢討，係TVB每年一度嘅盛事嚟，咁可以又有台慶，又有大賣會嘅，兩樣都舉行無衝突。」
鄭善強話《TVB周刊》印刷版停刊一事並未落實。（張嘉敏攝）
另外，提到今屆香港小姐決賽舉行在即，鄭善強坦言並未有留意20位候選佳麗，但就透露今屆將有新玩意，他說：「詳情唔可以講住，我哋仲研究緊，總之就係有新玩法，由觀眾話事，有某個決定係可以全民投票嘅，希望觀眾可以有更高嘅參與度，睇得更加投入，到時我都會玩埋一份。」
翟威廉同莊思明都有現身發布會。（張嘉敏攝）