【全民造星】杜汶澤爆粗鬧星級評判冇品 張建聲懶理:我控制唔到

撰文:
最後更新日期:

ViuTV選秀真人騷《全民造星》一路以來都製造了不少話題,在日前播出的一集中,節目便邀請了HMV數碼中國集團主席蕭定一、旗下歌手鄧健泓、演員張建聲、趙永洪和導演吳漢邦擔任星級評判。

在ViuTV在facebook公開剪輯片段中,五位評判勁喪踩一班參賽者,其中蕭定一便問參賽者Oscar:「Oscar,你覺唔覺得Oscar呢個名比較普通啲?會唔會好容易同人撞名呀?」而吳漢邦則指自己不明白為何要在台上掉帽。花姐翻睇評判意見時就愈睇愈嬲,指他們所講的說話不但毫無意義,又不尊重台上的表演者:「火都嚟埋呀真係!」而一向敢言的杜汶澤亦與其他網友一樣,對此在網上表達憤怒。

蕭定一在片中指參賽者Oscar名字過於普通易與人撞名。(影片畫面)

+11
+10
+9

杜汶澤在facebook分享《全民造星》片段便將矛頭直指蕭定一等人,更爆粗鬧一班評判黑心:「其實踩人邊個唔識吖?不過照鏡就唔係個個都識喇......有啲人我係一世都唔會睇得起,做人無X用好小事,黑X心兼無品嗰吓大件事。」又寫了「Hashtag」,包括:「#我覺得蕭定一個名好普通」、「#未睇過嗰個咩張建聲啲戲」和「#嗰個鬈毛我直頭唔XX識」。

在片段中暗示參賽者髮型不濟的張建聲接受《香港01》訪問時,便指自己對杜汶澤的評論沒有太大感覺:「其實唔止我哋,每一個睇嘅觀眾都係評判,而大家嘅要求、角度都唔同,所以接唔接受到我哋嘅睇法,我哋都控制唔到。」他又指片段經剪輯後,與事實情況有所出入:「其實我哋係有講到各位參賽者嘅優點。將心比己,你叫我出去唱歌跳舞,我都會好似唔知做乜。」提到劉美君聽到他們的評語後在後台爆「頂你個肺」,張建聲謂:「如果我係導師,睇到自己班仔咁樣畀人批評,我都會嬲到爆。不過,做得評判就要客觀,睇到咩就會講咩。今晚(24日)播出嗰集,睇肥仔(梁業)表演我係睇到起晒身拍手掌。」

杜汶澤在網上怒插蕭定一、張建聲和吳漢邦。(facebook)

張建聲指自己批評客觀,亦有讚到一班參賽者,睇完「肥仔」梁業的精彩演出後更企起身拍手掌。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。