【森美旅行團】丁子朗健碩身型有代價:一星期狂食20隻雞蛋

撰文:吳子生
出版:更新:

主持人森美、麥美恩、丁子朗、吳若希今日(24/8)出席無綫飲食節目《森美旅行圈》祝捷會,首集最高收視23.7點,第二集更有25.2點,創下全年最高收視綜藝節目。吳若希笑言:「攞到個咁好成績非常喜出望外,去到第二集我地出場,拉高咗成個收視,完全喺我地嘅功勞,我地同Mayanne做節目好開心,佢個人就喺一個樂趣,成日都做錯嘢,好「傻大姐」嘅感覺,喺好開心嘅。」

丁子朗大爆森美拍攝時,經常甩咀唔跟稿讀(葉志明攝)

丁子朗在節目中,同森美一齊浸浴,兩大型男一齊show肌,甚為吸睛。原來子朗為咗呢個旅行團,地獄式訓練操肌。子朗直言:「當我接到話要參與呢個節目時,冇人同我講會浸浴或者裸露身體,但心諗:「如果到時要除衫拍咪出事。」因為森美個身型勁靚,所以我用咗兩個月時間去操肌準備,每日用兩個鐘,差不多練足一星期,每日狂食雞蛋白二十隻。之後到拍真喺要除衫,好在有準備,自己都覺得冇白費到心機,拍出嚟效果都好好。」

吳若希到日本拍攝節目兩星期,因掛住愛囡會用視頻傾偈(葉志明攝)