【特技人】李君妍「MK妹」上身色誘方紹聰 激戰十回後真係見紅
撰文：吳子生
出版：更新：
無綫藝員李君妍昨日（24日）在銅鑼灣出席電影《起跑線》首映。劇集《特技人》最近在翡翠台中熱播，有份演出的她便因為𡃁模袁丸角色的一頭金髮兼「爛妹格」成功跑出，獲得網友一致好評。
李君妍用哂自己積蓄同家姐夾錢，幫媽咪屋企裝修，真喺乖乖女（黃國立攝）
講到李君妍在劇中險被性侵，幸得「糯米」方紹聰及時出現英雄救美，其後兩人情深對話，更在車廂中打得火熱，李君妍接受《香港01》訪問時即謂：「其實當我睇到劇本嘅時候都覺得好難演，因為要我跳芭蕾舞，又要幾乎俾人強姦，又要喊又要同方紹聰親熱，咩嘢都係同時間發生，係我人生中最難演嘅一場戲。有一幕講我赤腳跳芭蕾舞比方紹聰睇，為免腳底被石𠝹傷，我喺腳板底度黐咗大力膠布。」
李君妍對演藝事業充滿憧憬，希望將來有所成就（黃國立攝）
講到色誘方紹聰戲碼時，李君妍即指自己與對方相識8年，而對方比她更有壓力：「因為好多幕後都會笑住話：『你畀咗幾多錢監製呀？咁益你嘅呢場戲？仲要個女做主動喎！』」她又笑指自己拍這場親熱戲時，強逼自己幻想對方是靚仔：「咁樣會舒服啲！本身有一場戲拍我哋兩個喺車頭度，激吻到去車門邊，我仲要着住短裙熊抱住方紹聰，但激情過後發覺成個咀邊俾佢啲鬍鬚刮到紅晒，呢場戲拍咗十次有多，不過最後都冇出到街。」
除了有李君妍之外，昨晚還有李龍基、陳爽、莫家淦、吳雲甫等人出席！點擊下圖放大：
+1