【國際小姐】香港代表湯洛晴超高質　愛心爆棚曾於羅馬尼亞做義工

還記得去年參加《國際小姐2017》的香港代表王詠珩（Wing）同澳門代表麥嘉欣（Sofia  Pavia），甜到漏嘅笑容、靚到暈嘅外表令唔少網民大讚高質，同屆港姐雷莊𠒇即時被比下去。一年過去，《國際小姐2018》原來已進行得如火如荼，今年嘅香港代表湯洛晴（Carmaney Santiago）一樣咁高質！

年僅24歲嘅Carmaney原名黃嘉雯，畢業於浸會大學人文學系後，以模特兒身份加入娛樂圈，拍過唔少品牌廣告亦有參加綜藝節目如奇妙台的《為食情報局》。今年4月，Carmaney更於Brooks Brothers廣告中與影帝古天樂合作。Carmaney曾於訪問中表示最鍾意去旅行，先後踏足過法國、意大利、希臘等國家，亦有去過羅馬尼亞做義工，真係超有愛心。Carmaney不時都會喺IG同FB上載照片，唔少都係喺外國所拍，足見其生活多姿多彩。