【港姐2018】陳曉華性格主動 着校服參加「神秘天使」聯誼搵真愛
撰文：黃欣華
出版：更新：
新鮮出爐的港姐冠軍陳曉華〈Hera〉，被網友大讚是「歷年最正港姐」。參選以來，甜美的樣子她更一度被傳媒稱為「仙氣紅姑」。但誓估唔到擁有甜美樣子兼高䠷身材的Hera，亦曾經因為香港地女多男少而參加聯誼尋覓真愛，仲上過新聞被廣泛報道。
啱啱上大學，Hera就意識到香港女多男少問題的嚴重性。〈IG圖片〉
【港姐2018】你看不到的港姐畫面 廣告時間最啱上網化妝偷食
【港姐2018．多圖】冠軍陳曉華是狄以達舊愛兼中大校花：現時單身
據知Hera當年是中文大學護理系一年級生，由於覺得班上女多過男三倍，且護理系功課同實習忙，平日好難識其他系嘅朋友，聽人講有師姐畢業十年都冇拖拍，所以與其他同學仔一齊參加「神秘天使」徵友聯誼活動，與工程系的男仔進行配對。
唔知Hera大學生活過得多唔多姿多彩呢？〈IG圖片〉
Hera當時仲換上校服、紮起高馬尾赴會，青春逼人，相信迷倒不少男同學。Hera如此進取，皆因她曾表示護理系女多男少，而且因實習及學業繁重，沒時間聯誼，她還稱：「有師姐話大學畢業做全職護士仲難識人，啲時間用晒嚟返工同讀書進修，結果畢業十年都未拍過拖。」雖然未知Hera當時有無成功拍拖，但好肯定就算有都已經分手，因為Hera在去年被影到同狄以達拍拖，並在今年4月正式分手。回復單身Hera，唔知會唔會又再出招識返個新男友呢？
+7