【再創世紀】郭晉安讚自己演技大躍進 與多位新人合作榮升前輩

撰文:
最後更新日期:

Tvb重頭劇《再創世紀》即將9月10日於無綫隆重啟播,而內地更搶先一步於8月29日在愛奇藝播放。劇中主角郭晉安表示非常期待觀眾的反應,他透露已經看了八集,對這部劇集十分有信心:「我相信呢一部劇會帶俾大家共嗚,反映到呢個年代嘅香港同過去十幾年發生乜事,站喺演員立場,開心嘅係有好製作,加上所有畫面、劇本以及演員都係一個好好嘅團隊。」

《再創世紀》今日(28)舉行記者招待會。(梁碧玲攝)

安仔分別在無綫經典劇集《創世紀》與《再創世紀》也有演出,問到兩者分別最大是什麼?安仔直言:「其實演法已經好唔同,以前我做馬志強,佢係好單純好簡單一個人,但今次演反派,佢表面上好Nice,表面上都好似馬志強成日笑,同身邊好多人都做到朋友,但其實佢係心裡所想同現實所做係唔同。」安仔今次劇中亦以前輩的身份與很多新人合作,對於大家叫他做前輩,安仔笑言:「其實好自然嘅一件事,因為我以前都係叫人做前輩嗰個人嚟。」

郭晉安笑言已經率先睇咗8集。(梁碧玲攝)

安仔對於這部劇集期望十分大,《再創世紀》也是Tvb重頭劇,問他會否覺得自己憑著這部劇集再奪視帝?安仔表示暫無爭獎之心:「我好有信心呢套劇介紹郭晉安演技再進一步之外,亦希望可以俾一種感覺大家,係我同大家一齊成長。」

安仔指今次劇集想大家留意到佢演技再有進步。(梁碧玲攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。