【後生仔傾吓偈】FYY男友係大醋埕　嚴禁拍咀戲：但可以拍床上戲

昨晚播出的一集《後生仔傾吓偈》題目是「小器鬼」，馮盈盈 (Crystal) 今次唔止大爆金句，仲大爆男朋友寶寶是一名方丈，在她入行之初直情講到明話唔想她拍劇，唔想她同男仔做對手戲。Crystal即霸氣同男友講：「我唔去拍劇點賺錢養你呀？」結果男友唯有乖乖咁話「好啦。」

她又繼續爆料話男友超介意她拍親熱戲，要她應承拍劇唔准惜惜，反而可以拍床上戲！Crystal引用男友的解釋說：「佢話因為拍床上戲通常都唔會打真軍。拍咀嘴戲就係真咀嘅。」此時陸浩明即大表驚訝話：「咩通常？乜唔係完全唔會打真軍㗎咩？除非三級片同成人電影啫。」

之後Crystal就話早前拍新劇《白色強人》有同何廣沛拍咀戲，拍前已經有同男友備案，通宵拍完後，更要用手機發千字文同男友報告，交代清楚成個拍攝過程，以安撫男友：「講佢知淨係惜咗3下，冇多冇少，冇任何體液嘅交流。但係寶寶嗰晚都係不停咁埋怨。」好在Crystsl明白男友咁小器完全都係因為緊張她同好愛她，所以並無怪責男友，仲話會3倍惜返對方，咁好嘅女朋友去邊度搵呀？

一齊睇下FYY有幾正啦！