【婚內情】鄧萃雯唔恨拍《多功能老婆》:手到拿來我唔做

撰文:賴家杰
出版:更新:

ViuTv新劇《婚內情》今日(29日)舉行發布會,男主角由很久沒有演戲的陳錦鴻飾演,而女主角則由鄧萃雯飾演。提到故事主要探討現代愛情故事,問是否很多親熱戲?陳錦鴻直言:「其實今次身體接觸係需要,更加開心係我已經好多年冇拍劇,同埋可以同咁多靚女拍感情戲,喺屋企講唔到嘅事可以拍戲講出嚟。」

ViuTV新劇《婚內情》今日(29日)舉行發布會。(陳順禎攝)

提到陳錦鴻和鄧萃雯今次屬首度合作,問陳錦鴻會否覺得雯女有一種壓迫感?他笑言:「其實每一個女性對於我嚟講都好容易接近,因為我屋企本身全部都女人,屋企有兩個家姐兩個細妹及一個媽媽,而爸爸好早走咗,所以我好習慣同不同女性交往,佢哋唔會俾到壓力我,我係好想照顧佢哋,好想同佢哋好好相處,所以呢個就係監製搵我原因。」

至於鄧萃雯在訪問中便分享了一件事情:「其實我想講拍呢部戲點解會咁有氣場呢?就係因為身邊冇一啲可以頂到事嘅男人,自己頂得多就會變女強人,咁而家身邊有一個處理得到事嘅男人,我就可以變返普通女人。」了解雯女便會知道雯女對接劇也是很高要求,問到是什麼打動到她?雯女指ViuTV找她時候是很有誠意:「其實講劇本嘅時候,我諗諗我真係好似未演過呢類型嘅戲,橋段都真係估佢唔到,同埋婚姻對我嚟講都係幾好奇,除咗演之外我仲可以探討下,而家手到拿來嘅角色我唔會再去演,首先我唔知道做老婆係點,加上呢個仲要係不一樣嘅老婆,估佢唔到,所以聽故時候已經覺得好好,呢個係最大吸引力。」

鄧萃雯指角色能夠為她帶來「不一樣老婆」的體驗所以才接拍《婚內情》這套新劇。(陳順禎攝)
+1