【特技人‧專訪】方紹聰做火人突破自己:身邊人都叫我諗清楚

撰文:
最後更新日期:

《特技人》在昨晚的劇情中,奶仔方紹聰飾演的糯米因為急需要錢,所以挑選了特技人中最高薪的項目火人來做。在這場戲中,演員通常都以替身完成,但奶仔卻選擇自己親身上陣。

《特技人》還有一星期左右便播畢,劇集亦開始進入最後高潮部分,奶仔方紹聰昨晚就經歷自己在整部劇最高難度的一場戲,就是飾演火人。為求迫真,奶仔決定親自上陣,其實劇組一早有替身準備,究竟甚麼原因驅使他要做一件演員不常做,而且具有危險性的事情呢?

方紹聰呢幕火人真係夠晒震撼。

+2

原因嘛,其實每一個決定很多時都是身邊的事情影響到自己,奶仔亦不例外,他說:「睇到其他兄弟都好多唔同動作,師傑飛出去捉柱,佢本身畏高㗎嘛,咁都肯做。之後又見到羅浩銘,雖然本身佢係特技人,但由咁高跳落嚟真係好誇張,男主角譚俊彥更加唔使講,好多動作都由自己做,其實我哋幾個好多動作如果可以自己做都會親身上陣。嗰時見幾位兄弟咁博命,劇本嗰陣未有寫到我有咩動作,唯一一場就係我同李君妍嘅車震,都好辛苦㗎喇哈哈。我睇住啲兄弟咁辛苦,自己就企喺度開開心心講吓對白搞吓笑就算。」本身奶仔在劇中只是輕輕鬆鬆,但他的一個決定卻扭轉了這個命運。

方紹聰無論劇中還是現實,都很搞笑。(黃國立攝)

+6
+5
+4

就在這個時刻,他的一班兄弟突然跟他說要上陣做火人,奶仔一開頭以為這只是一個笑話,怎知原來是真的。當知道自己要做火人的時候,曾經掙扎過,究竟應否自己親身上陣做火人呢?因為其實劇組早已安排替身上陣,奶仔絕對可以安坐一邊睇替身做戲。「好多身邊人都叫我諗清楚,但我真係好想自己做,我就走去問Roger師傅(TVB的動作設計)可唔可以自己做,佢嗰刻同我講:『火人好危險,如果一個無經驗嘅人接觸火而好驚,周圍走燒到其他人或者其他嘢,到時救你定救其他嘢呢?』所以呢樣嘢要心理狀況好好,但我真係好想試,可能佢俾我誠意感染到,佢就俾我試一個shot。」

方紹聰收到要做火人的消息,第一時間只是覺得他們說笑。(黃國立攝)

一開始只是燒手,繃緊的神經立即放鬆,因為始終只是一個鏡頭,應該沒甚麼大事吧。奶仔在TVB打滾了八年,見過不少場面,但那一天拍攝的時候,氣氛是從未遇過的,眾人都將焦點放在他身上。Roger師傅和替身卓樺(郭卓樺)師傅甫一見他就叫奶仔除衫,因為要將防火啫喱搽在身上,總共搽了四層,再戴上防火頭盔,萬事做足準備。到了終於要拍攝,他說:「嗰日師傑同浩銘都喺度,平時佢哋都會同我講笑,但嗰刻都好嚴肅同我講小心啲。我一直喺大家心目中嘅形象其實同劇中好似,小師弟咁,如果唔掂會有人幫我補鑊。嗰刻佢哋好為我擔心,但我自己雖然心底可能係驚,但因為卓樺師傅叫我唔好驚,因為一驚就會出事,我叫你做一二三就做一二三,符合指令就得,如果做多咗做少咗就會保證唔到安全。」

金牌綠葉郭卓樺其實係專業替身,方紹聰演火人那場戲,本來就是卓樺師傅上陣。(網上圖片)

奶仔表示自己在TVB做了八年,從來沒有人跟他說過如此嚴肅的說話,那一天所以工作人員是100%嚴肅,連臨時演員都不敢出聲,奶仔就在這種情況下準備拍第一個shot。「其實第一個shot算輕鬆,其實只係燒咗6、7秒,做完之後佢哋走埋嚟問我感覺點,其實我覺得都控制到。本身個程序就係我除衫交俾卓樺師傅做,但係Roger師傅問我可唔可以繼續,我覺得其實ok可以。第二個shot搽防火啫喱嘅地方多咗,即係火會大咗喇,不過都順利嘅。到第三個shot,啲防火啫喱愈搽愈多,我都忍唔住問一問其實有幾大火,Roger師傅諗咗諗就答我同第一個shot差唔多。其實正常都諗到,搽多咁多一定唔會差唔多喇,不過嗰一刻我都照做,唔知係咪我緊張,定係電油問題,我開始有啲眼瞓。行到最後燒咗七次八次,我開始唔係好focus到,我覺得自己真係做唔到喇,準備舉手。我都未講,師傅就走埋嚟話今日完咗。」

最難受的一刻,就是完成的一刻。(黃國立攝)

其實一cut機佢哋就會即刻過嚟救火,之後問我有無覺得邊度熱,因為有啲啫喱喺度,你唔會即時感覺到啲熱力,係會慢慢滲落你皮膚,如果唔即時處理好有可能之後會燒傷。
方紹聰

要自己做火人,當然一定要有相當的勇氣才可以成事,奶仔表示在整套《特技人》裡面,一班人都是互相感染大家。第一個是朱晨麗,她不是一個動作演員,但卻率先親自上陣,到師傑再到浩銘,連譚俊彥也時時親自上場,奶仔表示這個人是癲的,甚麼動作也不怕。有一幕戲是譚需要滾落山涯,在旁的奶仔表示相當驚訝,於是上前跟談說:「咁高,實受傷㗎,唔驚咩?」誰知道譚俊彥立即入mode,跟奶仔說:「你做火人都唔驚,我又有咩好驚?」

方紹聰表示劇中一班師兄弟互相感染,先可以令自己有勇氣去做火人。(劇照)

這句說話令到奶仔相當感動,原來自己做的事情亦可以感染別人,很多觀眾說《特技人》裡面的演員都不是親自上陣,其實不然,反而有很多動作也堅持自己做。除了互相感染,奶仔還表示在TVB八年,很少會有「特技人」這種角色,所以有些動作如果可以自己做,都要盡力做晒去,可能效果未必有真正的特技人上陣來得好,但他說:「可能我哋做嗰陣真係會驚,好生硬,但咁咪符合返我哋劇中嘅角色囉?因為我哋本身係汽車特技人,跳樓、放火、碌落山我哋真係會驚㗎嘛,咁觀眾睇落咪會覺得好似真係做緊劇中演員。」

即使你的角色未必最main,但一樣有人會重視和看到你所做的一切。(黃國立攝)

在拍火人的現場,一些負責拍攝的團隊也讚奶仔夠勇氣,還表示做火人的替身有很多,但演員做火人十幾年只有幾個,可能對上一個已經是張衛偉做孫悟空。這個情況可能是因為一些資深的演員,背負著太多責任,如果因為一場火人的戲而令到自己受傷,隨時會影響整個拍攝流程,所以很多時只能找替身做。奶仔夠能如果博命,一來他將自己放到好低,二來在此劇比他知名度高的人大有人在,既然他們放身去做,自己更沒有理由無所事事。

方紹聰這個名字,在這一幕火人後應該會更多人認識。(黃國立攝)

【特技人.專訪】沈卓盈洗脫「大台花瓶」:出幾多努力有幾多成績

【特技人‧專訪】羅浩銘八年時間由特技人變指導 思考動作最重要



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。