【牛下女高音】黃心穎馬國明孖住去旅行:呢三個月拍劇好辛苦

撰文:
最後更新日期:

無綫《牛下女高音》一眾演員吳岱融、蔣志光、鐘景輝、黃心穎、張振朗、韋家雄等人出席今晚(1/9)在尖沙咀舉行煞科宴。《牛下女高音》這套劇集,對黃心穎來說,是要投放感情比較多的一套戲。「當時我收到呢個劇本,我覺得喺上天畀我一個機會,因為King sir 做我爺爺,本身我一出世爺爺已經唔喺度,在戲中投放感情喺一定會傷痛,所以呢三個月都拍得幾辛苦,會留喺屋企唔出街,盡量唔畀自己從角色中抽離,要保持戲中角色情緒。」

心穎好感恩9月尾有機會可以登台,仲話自己要供樓 又要供車,可以減輕財政壓力(葉志明攝)

心穎拍劇辛苦咗成三個月,劇集終於煞科,可以同馬國明放下假,去下旅行充電。「嚟緊我地都會去旅行,咁啱大家都有時間,地方就未定,其實我想去一啲我未去過嘅地方,去邊度都冇所謂,只要我未去過就得,大城市,偏遠嘅地方都可以。」

心穎表示如果有機會都想做歌手。(葉志明攝)

9月尾心穎又要去多倫多登台,唱歌搵真銀。「今次會去成個星期,仲要唱12首歌有一個鐘頭咁耐,平時做其他活動都喺唱啲開心嘅歌,今次好難得可以揀啲慘情嘅歌曲唱,有廣東有國語歌,當中有啲都未唱過,所以要花多啲時間去練,因為要記歌詞,依家練緊譚詠麟首歌曲《霧之戀》,呢首歌我好鐘意,好有意境。」

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。