華仔認有創傷後遺症 擔心再受傷:啲舞步可能整傷條腰都唔會跳

撰文:
最後更新日期:

劉德華2018演唱會今日(3/9)在尖沙咀舉行記者會,過百Fans到場支持打氣,華仔即場獻唱名曲《如果我有事》,令現場氣氛高漲。華仔在台上表演「棟篤笑」,向台下記者表示今日乜都可以問,好咪好驚奇呢,仲話:「你地敢問,我敢答。」有記者即時發問:「今日開學,你今日唔使湊女咩?」華仔笑言:「我就喺知你地會問呢啲問題,所以今日攪哂你地嚟呢度,唔好攪我個女,今早我成個Batman咁,入咗學校都冇人發覺到我。」引到台下滿場笑聲,拍爛手掌。

劉德華表示有咗囡囡之後,往後可能會減少開演唱會(陳順禎攝)

《My Love Andy Lau劉德華》演唱會將於2018年12月15日紅館隆重舉行,共開20場橫跨2019年。華仔表示:「已經開始排舞,因為之前墮馬受傷之後都會有啲創傷後遺症,都擔心跳舞時會唔會再次整親,但一路都有同我地嘅團隊醫生,排舞師溝通,有邊啲舞步會喺有可能整傷條腰,都唔會跳。」

早前有歌迷排隊買劉華演唱會,被人斬傷,華仔擔心歌迷安危,固取消排隊買演唱會門票,但有年長歌迷投訴唔識上網買門票。華仔表示:「冇咗排隊,如果有需要可以聯絡主辦單位,因為我地都擔心佢地排隊嘅安危。」有咩方法可以打擊黃牛飛?「最緊要大家小心,因為炒黃牛飛嘅人,知道大家都好錫我會買我嘅飛,所以佢地成功嘅幾會又會多咗,希望炒黃牛飛嘅人高抬貴手,唔好炒咁貴,如果你地炒就睇住炒,如果喺呃就唔好囉。」

劉德華上年意外墮馬後受傷,現在都有創傷後遺症,自己感到壓力(陳順禎攝)

+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。