關梓陽健美比賽奪亞有淚水 當年決心做健身因為TVB嫌佢肥
撰文：黃梓恒
出版：更新：
早前郭子豪在「PCA PRO及香港健美及運動體適能錦標賽2018」中奪得「1st華南地區男子運動模特」冠軍，其實同場還有一位TVB藝人取得佳績，就是在「男子運動模特：泳裝S組」中奪得亞軍的關梓陽。
關梓陽在2015從訓練班畢業入行，其實他當年考過三次訓練班才能入到TVB，而第一次肥佬，就是因為評判認為他太肥，亦令到關梓陽的起心肝去做GYM，慢慢做更成為了健身教練。
關梓陽在TVB第一套劇是《翻生武林》。
在接受《香港01》訪問時，梓陽說：「我2017年7月開始決定參加比賽，當時我係62.5 kg，增磅增到75kg（總共27.5磅），之後出賽嘅時候係66KG」為比賽，將自己的體重先大幅增加然後再減磅，少一點毅力也是不容易的。可能你會話，咁辛苦參加一個比賽，又唔係咩特別有意義，究竟為乜？當然梓陽心底裡還是有一種想追求的東西。
在2010年，梓陽還未接觸健身時，也有一點小胖。（受訪者提供）
初初參加比賽的時候，主要是因為在TVB還未有太大的工作量，不如參加一個健美比賽，將自己的陽光味、身型展現給大家看一看，而且這個比賽亦可以證明他自己的堅持，無論用多少時間或苦工也願意捱下去，放在演員的路上同樣可以有這種特質。
「喺公司裡面所有化妝、梳頭見到我都係食緊嘢，因為我無人贊助，所以我每次都係自己煮飯，日日都拎住勁大個飯袋，有六盒飯。例如我嗰日外境，只要啲飯唔臭我都照食，無微波爐就無辦法喇，凍食都要，因為要完成自己嘅食量。呢個過程都幾艱辛，但係就係因為咁樣令到公司好多人都要道關梓陽呢個人，知道我係不斷食，日日拎住個飯，呢個係我呢個比賽額外得到嘅嘢。」一個比賽，無論贏或輸，亦可以從中得到一些甚麼，相信梓陽的毅力和堅持，別人是看得到的。
唔止郭子豪，關梓陽身型其實都好靚。（受訪者提供）
一齊睇吓關梓陽有幾好身型喇。（受訪者提供）
關梓陽參加健美比賽的相片。（受訪者提供）
+4