落選港姐工藤佑采決賽日跳「黑面舞」 梁小冰：佢經驗唔夠
撰文：吳子生
出版：更新：
梁小冰今晚（4/9）現身灣仔演藝學院，觀賞著名音樂劇《Beyond The Barricade》
已為人媽嘅梁小冰，今個暑期同老公及仔仔一家人出外旅行，仲去咗水上樂園玩急流玩「天梯」。小冰︰「我咁大個人都未去過水上樂園玩，原來真喺好刺激好好玩，今次同仔仔玩晒裡面嘅滑梯，簡直瘋狂。」
梁小冰大讚老公好用心，幫助仔仔學術上的發展（黃國立 攝）
落選港姐工藤佑采於決賽當晚被指「黑面」跳舞，連港姐監製何小惠都指出工藤表現欠認真，工藤連日備受指責，不忿在社交平台來過大反擊。小冰坦言：「雖然落選咗，都會有機會做演員，做演員嘅先決條件，無論你發生乜嘢事，有咩挫折有咩唔開心，到你出場嘅時候面對觀眾，都要表現出最好嘅狀態，所以我覺得係一種考驗，佳麗們都唔好錯過呢一個環節，千祈唔好得唔到獎，就用最唔好嘅狀態演出。可能佢未有咁嘅經驗啦，如果我可以做老師嘅話，我一定會話比佢聽。」
梁小冰每晚都為仔仔講聖經故事（黃國立攝）
梁小冰1990年參選香港小姐競選，並獲得季軍，對當年只得20歲嘅梁小冰嚟講，參選香港小姐競選是一個夢想。「當年我哋參選嘅時候，去咗溫哥華多倫多，對於一個剛剛讀完書，畢完業嘅學生嚟講，雖然當中要排好多舞，但成個過程好開心，一啲都唔覺辛苦。」