【美女廚房】林盛斌通波仔後復工 蕭正楠張振朗幫佢諗定身後事

撰文:
最後更新日期:

無綫節目《美女廚房》主持林盛斌(阿Bob)早前入院接受「通波仔」手術,消息一出令各界擔心,慶幸阿Bob的手術順利成功,休息數天後亦正式復工,今日更偕另外兩位主持蕭正楠、張振朗、以及一班美女學徒一起出海開船P!

林盛斌Bob出事入院通波仔:老實講,係有d驚嘅!

阿Bob通完波仔,休息幾日就同一班美女學徒開船P!佢話怕自己個心臟頂唔順,要蕭正楠同張振朗兩位好兄弟幫手照顧女同事。(梁碧玲攝)

之後仍需接受通波仔手術,分兩次是怕腎虧
其實阿Bob分別有三條血管栓塞,近期入院卻只通了兩條,他解釋是為了護腎:「因為我做呢啲手術要打好多顯影劑去睇啲血管點走,但呢啲顯影劑對個腎有少少傷害,怕個腎虧。」而阿Bob現在亦非常注意飲食,三高食品一律少碰,也決心要多做運動:「我問過啲專家,佢哋話我上身係大件,不過腳係幼,如果跑步對腳好重負苛,同我講游水好好,所以希望培養到呢個習慣。」此時在旁的蕭正楠竟然說有味笑話:「咁又係,你幾隻腳都係幼。」

阿Bob話戒咗每日都食公仔麵嘅習慣,咁又係嘅,唔健康嘛,仲話考慮戒埋煙添!(梁碧玲攝)

阿Bob入院反遭拍檔揶揄  蕭、張承諾處理後事。
阿Bob入院,蕭正楠及張振朗非常擔心,而且目光長遠,早已替阿Bob想定後事,張、蕭二人分別代理家人和財產,張振朗笑言:「我叫佢唔洗擔心,老婆仔女嗰啲我會幫佢照顧。」蕭接著說:「財產嘅嘢我幫佢分配啦,買落啲樓有幾多幢都唔記得,好兄弟一人一幢都要嘅。」提到上前阿Bob缺席其中一集《美女廚房》錄影,蕭、張更笑言拍攝較之前順利,蕭:「好好喎,唔知點解拍得好順利,我覺得呢啲咁嚴重嘅病應該唞耐啲,起碼都完埋呢季啦。」張附和說:「係囉,得返幾集咋嘛!」雖然阿Bob慘遭拍檔揶揄,但其實他知二人用心良苦,只是希望阿Bob可以休息多點,好讓他不用操心工作,安心養病。

蕭正楠話好欣賞阿Bob嘅樂觀同積極:「佢入院前都send張好輕佻嘅相畀我哋,令到件事好似好小事咁,令到人哋無咁擔心,但其實可好嚴重佢自己知。」(梁碧玲攝)

無綫改播《延禧攻略》《美女廚房》腰斬翻生無期

有傳美女學徒薪酬低  阿Bob:唔洗咁高人工㗎!

早前有傳聞指一班美女學徒因上節目似佈景板兼show錢低引致不滿,阿Bob竟直接說:「唉,唔洗咁高人工㗎,出面搵返咪得囉,今日少個零,聽日多返幾個零都無人話你,更何況佢哋進步得好快,而家都不知幾咁積極,講嘢踩界到,我都唔知佢哋點諗出嚟。」蕭續說:「係啦,仲生蜢過我哋!」

《美女廚房》張振朗用蕉餵飽美女學徒 邱晴:好似馬騮咁搶



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。