鄭秀文讚王嘉爾係當代最傑出Rapper 考慮在港開Side Track音樂會
撰文：冼燕珊
出版：更新：
日前鄭秀文(Sammi)作客TVB娛樂新聞台節目《StarTalk》，接受主播許文軒(Edmond)專訪，大談推出新曲加Side Track精選感受。新歌《Creo en Mi》找來王嘉爾(Jackson)合作，Sammi大讚他非常出色，更說他是當代最傑出Rapper。Sammi又說：「本身話過只做一埸Side Track音樂會，但我突然又喺度諗，如果可以喺香港搞返埸都好，因為出奇地歌咪反應好好，氣氛好Warm，不過暫時未有定案。」
談到另一首歌曲《千年如一日》，原來原本不是作給Sammi的，她說：「其實本身呢首歌係作曲嘅高皓正委托我俾個Demo許志安聽，但安仔聽完覺得唔係咁啱佢唱，但我覺得我好鍾意，我覆返佢我可以攞嚟唱，不過要處理咗個Key先。」問到歌曲是否《不要驚動愛情》下集時，Sammi說：「其實年幾前已經收到高皓正呢首歌，兩首都係佢寫，佢想前奏部份保留《不要驚動愛情》嘅前奏，可能對佢嚟講有某種情意結，我尊重佢意見，所以我OK，不過對我嚟講下集與否並不重要，同埋我都係想分返開嚟講，最重要係首歌好聽。」
原來《千年如一日》本身不是寫給Sammi，而是給安仔的。（視覺中國）
專訪中Sammi又大爆自己最驚面對的事，她說：「每次出埠工作執行李我就好痛苦，我亦試過可以執執下行李話唔想去旅行，聽日唔想上飛機。」問到怕不怕蛇蟲鼠蟻時，Sammi反應甚大，她說：「我好驚啲識飛嘅嘢，因為控制唔到，我最驚就係黃蜂！最近有次我一個人搭lift，我見到有一隻蜜蜂，我非常驚恐同緊張，唔知點算，我第一時間痞低，成部Lift得我同佢，我覺得佢針緊我嘅後腦，啜食緊我嘅肌膚，我驚到成個人震曬，(最後點算？) 我以為會你死我亡，但結果佢冇死到，我亦都冇亡，大家可以和平共處，我諗我依家開始會冇咁驚蜜蜂。」
Sammi接受主播許文軒(Edmond)訪問，原來佢最驚係識飛的昆蟲。
+10
Sammi 說之前搞的Side Track音樂會反應很好，計劃在香港再搞一場。