【亞姐2018】落選港姐再戰亞姐 投行分析員想入行做財經主播

撰文:
最後更新日期:

今年「亞洲小姐」香港區有10位佳麗,當中有4位仲係參選過「香港小姐」。(梁碧玲攝)

《亞洲電視》於2016年4月2日「香港本地免費電視廣播頻道牌照」屆滿之後,就正式停播。當眾人都以為《亞洲電視》正式完結它的歷史任務之際,想不到2018年初《亞洲電視》就以平台網絡電視服務方式「死以復生」,更重新復辦「亞洲小姐」。今日《2018亞洲小姐競選香港賽區》的10位佳麗更率先在大埔電視台會見傳媒,雖然佳麗質素比起以往較好,但是你懂的,今年佳麗還是帶有以往的「亞洲小姐」競選的濃厚色彩...

2號梁雪瑤(Sheryl)、3號張靜茵(Anita)、5號蘇頌筠(Dusty)、9號李芷菱(Camilla)(左至右)(梁碧玲攝)

10位佳麗之中,2號梁雪瑤(Sheryl)、3號張靜茵(Anita)、5號蘇頌筠(Dusty)、9號李芷菱(Camilla)這4位比較「熟口熟面」,原來4位也不約而同參選過「香港小姐」競選。梁雪瑤(Sheryl)曾參選過2017年「香港小姐」競選,張靜茵(Anita)則是2016年參選過,而蘇頌筠(Dusty)、李芷菱(Camilla)則是「新鮮滾熱辣」2018年參選的。

大家應該都對5號蘇頌筠(Dusty)有啲印象,不過佢今年都入唔到「香港小姐」20強。(梁碧玲攝)

5號蘇頌筠(Dusty)接受《香港01》訪問時就表示今次參選「亞洲小姐」旨在參選:「今年係好突破一年,諗住咩都試下。(覺得香港小姐同亞洲小姐有咩唔同?)兩個都好符合我嘅意願,不過我都唔係想攞獎咁,而係想體驗個過程,正所謂『青春不留白』,青春就係要轟轟烈烈。今年我唔此選美,仲去咗打工換宿、去咗潛水、寫書、自己一個人去旅行。」

2號梁雪瑤(Sheryl)話自己做咗「投行分析員」3年㗎啦,2016年就去「香港小姐」試過之但係就被Foul。睇嚟佢入行決心都好大。(粱碧玲攝)

資料顯示,2號梁雪瑤(Sheryl)本職是一名「投行分析員」。梁雪瑤接受《香港01》訪問時解釋了甚麼是「投行分析師」。「就係投資銀行入面分析交易同系統上嘅資訊。我本身係做程式編寫嘅,會寫一啲系統分析俾客人去買賣。」梁雪瑤就表示自己的目標是希望籍此投身幕前,成為一名財經主播。原來她在2016年就參選過「香港小姐」競選,只不過到最後一輪面試就被淘汰。「去到最後30強,始終都有唔同準則啦,視乎邊一個選美啱自己。」

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。