尹詩沛車震情慾劇照流出 男友誤當真質問:你係咪偷食?

撰文:吳子生
出版:更新:

尹詩沛(Nicole)現身電視城出席「9月星辰」生日會,更抽中多份禮品,滿載而歸。「今年又太一歲,真喺唔想咁快大呀,今日咁啱又喺我同男朋友拍拖7周年紀念日,慶祝完呢度我又要趕下場陪男朋友,夜晚會去食飯慶祝浪漫一番。」
 

尹詩沛表示拍親熱戲前,會為口腔清潔,避免有口氣(陳順禎攝)

《十八年後的殺人告白》今日煞科,Nicole在戲中飾演一名「市井」豬肉婆,對於平時一向冇去開街市買餸煮飯嘅Nicole嚟講,真喺叫苦連天。「喺拍攝前一日,走咗去豬肉檔學做豬肉婆,要師傅教我點揸刀,自己本冇掂過啲生嘅肉,當要我用隻手去揸住啲生肉,個心掙扎左好耐,覺得好核突,喺練刀法嘅時候,被把刀撞傷咗右手指骨腫哂,事後要睇跌打療傷。」

尹詩沛同男友拍拖7年,唔怕七年之癢,大家都好似老夫老妻(陳順禎攝)

無線重頭劇《再創世紀》,上月低率先在愛奇藝及央視電視劇播放,香港觀眾要等到9月10日先有得睇。Nicole在劇中《再》飾演「富二代」經常溝仔換畫,更有多場親熱戲。「試過有個PA,傳咗我同個男model在車震激吻劇照畀我,我拍完戲唔記得刪除,返到屋企畀我男朋友睇到,發哂脾氣,問我點解同個鬼佬做埋呢啲咁嘅嘢,唔信我個啲喺劇照,仲話我出去偷食,嬲咗我好耐,套劇出咗街後,佢個心先定番落嚟。」