何傲兒北上想做旅遊達人 「去咗旺角拍幾集《傲遊金魚街》」
撰文：吳子生
出版：更新：
何傲兒（Lily)今晚（7/9）盛裝出席香港著名時裝設計師何國鉦（Dorian)在香港會議展覽會舉行的大型時裝活動。近來北上發展演藝事業有聲有色，首部內地劇集《歸來去》一播出，大獲好評，人氣急升，迷倒不少劇迷。「稍後會飛去北京出席一個中秋節活動，然後又會飛過去南昌工作，雖然忙但好開心，其實大陸嗰邊都傾緊幾套劇集，自己本身好想演古裝劇，中學時期都有學古箏，古裝戲服好靚，好想呈現俾大家睇。」
何傲兒北上發展搵真銀。（陳順禎攝）
港姐出身的何傲兒，2015年離開無綫後，甚少喺香港節目中亮相，讓一眾Fans牽掛。「佢哋可以喺我微博、IG度見到我近況，已我最近忽發其想，想拍攝一啲香港地道特色嘅地方，因爲好多內地演員，成日都話會去香港啲大型商場行街，問我香港有咩好地方好去，我就去咗深水步、旺角嘅金魚街，拍攝咗幾集《傲遊金魚街》，仲去埋大澳嘅拍攝當地「棚屋」特色，介紹俾啲朋友知，香港好咩好去處。」
何傲兒仲做埋旅遊達人，介紹香港特色。（陳順禎攝）