【特技人】關楚耀傅嘉莉戲假情真 「日對夜對真喺對佢有好感」
撰文：吳子生
出版：更新：
本地著名時裝設計師何國鉦（Dorian)今晚於香港會議展覽會舉行盛大時裝展，邀請一眾城中名人到場支持，場面十分墟冚。
型男索女關楚耀、傅嘉莉情侶檔孖住行天橋，男的展現個人獨特男人味，女的展現高貴優雅。關楚耀表示：「今日行show都好緊張，都唔知行嘅時候用咩表情好，傅嘉莉就好有經驗，我都要指教下佢。」旁邊傅嘉莉笑言：「使乜教吖，做返自己就最靚。」
關楚耀，傅嘉莉因劇集《特技人》令人氣急升，工作量倍增（陳順禎攝）
無綫劇集《特技人》上年用咗三四個月時間拍攝，關楚耀、傅嘉莉朝夕相對，難免會產生感情。關楚耀直言：「始終上年對咗咁耐，日拍夜拍，喺戲裡面大家飾演歡喜冤家，火花一定會有嘅，其實今晚我見到嘉莉嘅時候，都好疑惑，究竟我係Duncan，佢喺咪津津，有啲亂。」嘉莉表示：「其實拍戲嘅時候真係好投入，雖然套戲喺一年前拍，但今日見番佢，我仲覺得佢係Duncan，今晚套戲大結局Duncan同津津會有個happy ending，同樣好似今晚咁著住套晚禮服，好似將部戲跳出個框架咁，好似返嚟現實一樣。」
關楚耀、傅嘉莉約咗成大班藝員，一齊去睇大結局（陳順禎攝）