【再創世紀】湯洛雯為做演員放棄理想 對前度羅天宇拍拖表示祝福

撰文:賴家杰
出版:更新:

湯洛雯今日(9日)出席《再創世紀》宣傳活動,劇中靚湯飾演周柏豪女朋友,亦係一名上進心及現實主義的女生,簡稱女強人。問到靚湯現實當中是否一個女強人?靚湯直言現實中是以工作為先:「我偏向工作,你見我經常都只係得工作,(咁你算唔算都好現實,譬如一定要買樓?)我覺得香港一定要有儲蓄,始終儲蓄會有安全感,我都有儲蓄準備去買磚頭,但我覺得宜家同呢個理想有遙遠。」

湯洛雯今日(9日)出席《再創世紀》宣傳活動。(梁碧玲攝)

再問到靚湯除了買房子之外還有什麼事情想做?靚湯直言:「其實以前自己讀心理,如果我唔係做咗演員,我都應該會進修做心理醫生。」靚湯說到當初為了做演員而放棄做心理醫生,其實家人也有反對,「其實自己一直對演戲好有興趣,選完香港小姐後又有機會演戲,咁岩又入到呢行,初初入行時候家人都會有疑問,因為做心理醫生條路會順暢少少,冇咁大壓力,不過我覺得進修隨時都可以,希望會再有機會。」

靚湯透露當初如果唔係做演員嘅話,應該係做心理醫生。(梁碧玲攝)

最後問到前度羅天宇拍拖的事情,靚湯表示也是從新聞上得知:「我唔清楚呢件事,亦唔知道真定假,不過佢同邊個拍拖我都會祝福佢。」
 

靚湯對前度羅天宇拍拖一事送上祝福。(梁碧玲攝)