【再創世紀】郭晉安做奸角不再孤單 孖楊怡做「腹黑CP」

撰文:趙允琳
出版:更新:
劇集《再創世紀》舉行宣傳活動,男女主角郭晉安及楊怡均有出席。(梁碧玲攝)

劇集《再創世紀》舉行宣傳活動,劇中男女主角郭晉安(安仔)及楊怡均有出席。《再創世紀》是楊怡第一套回歸TVB之作,對於星期一晚的首播,她都表示有點緊張:「緊張都有少少嘅,始終都好耐無返黎Tvb拍劇。不過有好多我合作過嘅演員都喺度,我又唔太驚嘅。」

《再創世紀》是楊怡的回巢之作,她表示都有少少緊張。(梁碧玲攝)

近年演奸人演到得心應手的安仔,又再一次飾演「奸到出汁」的角色,被問到與先前的角色相比有否不同?安仔回應:「我以前演嗰啲反派都比較孤單嘅,都係得我一個做反派,但今次同阿怡一齊又唔同喎!兩公婆一齊做反派無咁孤獨。」

安仔指今次跟一般奸角不同,笑稱自己和楊怡是一對「手腳好乾淨」的反派。楊怡說:「我哋又無殺人放火,老公你有無啊?」安仔:「有!不過唔係我做!」

安仔指以前演的反派只有自己一人,但今次能與楊怡一起做奸角,終於不再孤單。(梁碧玲攝)

劇集已經率先在內地播放,被問到有否留意內地網民的反應,安仔表示學會了很多如「爽」、「超話」這些潮語。楊怡笑稱見到有網民以「腹黑CP」來形容二人:「我唔明架其實呢個『腹黑CP』,但係佢哋解釋咗原來叫做滿腹密計,笑裡藏刀。」

早前羅仲謙指希望有兩個小朋友,楊怡笑稱不排除將來生一隊足球隊,未來發生什麼很難說。(梁碧玲攝)

先前羅仲謙指希望能有兩個小朋友,不知道楊怡忙完宣傳後,有沒有時間能實踐「造人」大計?「無所謂嘅幾多個都其實,可能有四五六個都唔定呢,可能有一隊足球隊呢,好難講嘅。」(會否向安仔取經?)安仔笑說:「我無生過喎,我老婆生嘅!」